कवितेच्या काही ओळी जरी सहज सुचल्या दोन चुकल्या मात्रेत दोन वृत्तात गंडल्या यतिभंग एकीमध्ये एकीमध्ये रसभंग दोष दूर करण्यास पछाडिले जंग जंग मात्रा, वृत्तांची बंधने पाळताना दमछाक झाली-आली कुठूनशी मुक्तछंदाची झुळूक मुक्तछंदाच्या स्पर्शाने ओळ ओळ थरारली कोष कोंदट फोडून फुलपाखरे उडाली खळखळा तुटताना बेड्या आनंदे म्हणती लघु, गुरू, मात्रा यांची मुक्तछंदी ना गणती वेध लागला मुक्तीचा बंधी कोंडल्या ओळींना सुंभ जळला-पण का पीळ जळता जळेना ? :)