पाऊस ---------------------------------- आई गं सरसर पाऊस आला गं जाऊ दे भिजायला गं क्षणात ऊन कुठे लपलं जोरदार वारं हे सुटलं वास भारी मातीला गं जाऊ दे भिजायला गं शेजारची पोरं अंगणात फेर धरुनी रिंगणात जाऊ दे फेर धरायला गं जाऊ दे भिजायला गं पाण्याच्या झाल्या नद्या सोडू गं त्यात होड्या दे ना कागद करायला गं जाऊ दे भिजायला गं बरं ऐकतो मी तुझं जातो छत्री घेऊन पण बाहेर नेऊन मी बंदच ती करेन नाहीतर तूच चल भिजायला गं मस्त मस्त धारा झेलायला गं --------------------------------------------------