गणु अन गणूची मनू

लय भारी

गणू गोत्यात येई

मनू जाता माहेरी

मनू जाता येई मंजिरी

गणूची मंजिरी

मनू सारी

गणू नाही पाहिला

गणू नाही राहिला

गणूची येगळीच दुनियादारी

कधी मनू तर कधी मंजिरी

असे हजर सदैव दारी

गणु मग्न तो

गणु भग्न तो

गणु हासतो

गणु नाचतो

मनातल्या मनात

गणु धावतो

गणु पडतो

गणु चालतो

कधी खेळतो

आतल्या आत

गणूची यातना

भेदे मना

खेळ रंगला

खेळ भंगला

गणू संपला

पंचतत्त्वात

सिद्धेश्वर विलास पाटणकर