मिसळपाव
काव्यतडागी जलपर्णीसम
प्रतिभा पसरत असते
पाहू न शकतो रवी, सकल ते
कवीस दावुनी जाते
कवी लेखणी सरसावून मग
मांडी ठोकुनी बसतो
इथे मोडुनी तिथे जोडुनी
कविता पाडुनी जातो
पामर रसिकांच्या तोंडावर
कविता मग आदळते
मुका मार अनवरत झेलुनी
इथे तिथे हुळहुळते
काव्यदेवते- एक विनंती
ऐक जरा रसिकांचे
काव्यप्रपाती बुडवू नको गे
आवर कढ प्रतिभेचे
काव्यरस
| लेखनविषय: |
|---|
वाचने
2080
प्रतिक्रिया
4
प्रतिक्रिया
छान.:)
छान.:)
प्राची अश्विनी,
धन्यवाद!
बघतो, काव्यदेवतेस केलेली विनंती ती मनावर घेते की नाही ते!
अनन्त यात्री
मिपावरच्या कोणा कवीस उद्देशून ही कविता केलीत की काय. बाकी कविता मस्त जमलीय
छे, हो..
In reply to अनन्त यात्री by श्वेता२४
हे स्वगत समजा.
प्रतिसादाबद्दल आभार.