Skip to main content

(खमकेच टगे बसतात इथे)

लेखक दमामि यांनी बुधवार, 24/01/2018 10:59 या दिवशी प्रकाशित केले.

ग्लास पुन्हा फुटतात इथे
मित्र जुने दिसतात इथे

अवघे जगणे पीणे बनते
दु:खे सगळी पळतात इथे

चखणे स्मरता हसणे स्फुरते
चवदार चणे मिळतात इथे

हुक्के जळता चढती वलये
खमकेच टगे बसतात इथे

चषकात पुन्हा मदिरा भरता
इमले पोकळ चढतात इथे

विरहास नवे सहवास हवे
प्रेमं जुनी स्मरतात इथे

कलह घरचे विसरू म्हणता
विवाद नवे उठतात इथे

(कुणीसं म्हटलंय, वृत्त बघू नये, वृत्ती बघावी. म्हणून विकु माफी असावी.)

काव्यरस
रतीबाच्या कविता
लेखनविषय:
वाचने 5771
प्रतिक्रिया 20

प्रतिक्रिया