स्पर्श तुझ्या शब्दांचा...

वेदनेस शमवितो,
दु:खातही सुखवितो.
संजीवनी जणूकाही -
स्पर्श तुझ्या शब्दांचा.

मरुभुमीत सन्कटान्च्या
वसंत होऊनी फुलतो.
गुलमोहराचे अस्तित्व -
स्पर्श तुझ्या शब्दांचा.

विकल मना सावरतो
अंधारात दिप धरतो.
भास्करच नभीचा भासे -
स्पर्श तुझ्या शब्दांचा.

वादळात आधार होतो
तप्त ऊन्हे साहतो.
कल्पवृक्ष असे मजसाठी -
स्पर्श तुझ्या शब्दांचा.

आत्म्याचे अमरत्व आहे
ईश्वराचे पावित्र्य आहे.
अम्रुततुल्य आहे आई -
स्पर्श तुझ्या शब्दांचा.