सुखसाधना

मथुरा सुखी कान्हा सवे, त्याच्याविना इथे प्राण ना
गोकुळ रंगे त्याच्या सवे, त्याच्याविना मुळी त्राण ना ll १ ll

जादू करी मुरलितुनि फुलवी, चैतन्य कैसे सांग ना
मी घेतसा माझ्या करी, ती अबोल कैसी सांग ना ll २ ll

तू सावळा चितचोर रे, तू घननीळ जैसा श्रावणा
तू घे मला संगती, रंगात तुझिया मज रंग ना ll ३ ll

तू येतसा मन नादते, आल्हाद छाया या वना
तरु फुले अन पाखरे, धेनुही आतुर तव दर्शना ll ४ ll

तू सखा संगे तुझ्या, ये पूर्णता या जीवना
अगम्य साऱ्या लीला तुझ्या, एकवार अजुनी दाव ना ll ५ ll

तू श्वास माझा ध्यास, तूच माझी सुख साधना
सांज होतसा तू जातसा, राधा राहील कैसी सांग ना ll ६ ll

-सार्थबोध
https://www.saarthbodh.com/2013/05/blog-post_24.html