Skip to main content

श्रावणातील सण

लेखक अथांग सागर यांनी मंगळवार, 05/08/2008 22:24 या दिवशी प्रकाशित केले.


श्रावणातील सण


होता श्रावणाचे आगमनं
सुरू होते सणांची उधळणं
गोड धोड मिळे खायला
आणि सुट्ट्यांना उधाण
प्रथम येते नागपंचमी
फुलोय्रावाचून हिची महती कमी
काढून सर्पनक्षी देवघरा
त्यापुढे सान-थोरही नमीं

मग येते पौर्णिमा नारळी
जमती सारे बांधव कोळी
पूजती त्या सागरदेवतेला
जो त्यांना हो सांभाळी

दिन हा रक्षाबंधनाचा
भावा-बहिणीचं नातं जपण्याचा
वचन बहिणीला देऊन
रक्षण तिचे करण्याचा

साजरा होतो गोपाळकाला
पाळणी घालून श्रीकृष्णाला
गल्लोगल्ली रचती मनोरे
बाळगोपाळ दहीहंड्या फोडाया

वर्षभर नांगरणाय्रा मळा
हा तर बैलांचा सोहळा
बळी होऊन कृतज्ञ
फुटे मैदानी हा पोळा

असा संपे हा श्रावण
मनी पावित्र्य साठवून
वेध लागती गणरायांचे
घरी होण्या विराजमान


-अथांग सागर

लेखनविषय:
लेखनप्रकार
वाचने 4038
प्रतिक्रिया 5

प्रतिक्रिया

अरुण मनोहर बुधवार, 06/08/2008 10:09

कविता आवडली.
यमकासाठी आणि चुकीचे टंकन / व्याकरण नको म्हणून एक सुचवावेसे वाटते. अर्थ तोच राहील याची काळजी घेतली आहे. राग नसावा.

प्रथम येते नागपंचमी
फुलोर्‍याविना हिची कमी महती
काढून सर्पनक्षी देवघरा
त्यापुढे सान-थोरही नमती

अथांग सागर शुक्रवार, 08/08/2008 02:09

इथे मला 'मी' साठी यमक हवा होता म्हणून शेवटच्या ओळीत 'नमीं' टाकलयं....तुम्ही सुचवलेला वरील पर्यायसुध्दा सुरेख आहे.
-अथांग सागर