सहजीवनाच्या मैदानात तुझ्यासाठी हरूनही तुला, मला जिंकता आले नाही. डाव तुझ्या हाती दिला तरी, तुला खेळता आला नाही. रडुन जिंकता येत नाही आणि चिडुन डाव उधळायचा नसतो, कधी समजणार हे तुला , प्रेमाने कोणालाही जिंकंता येते. सहजीवनाच्या प्रवासात तुझ्यासाठी राजमार्ग सोडुन पाऊल वाट स्विकारली होती अरूंद, अवघड, वळणे पाऊलवाटेची जरी गंमत त्यातली तुला कधी कळ्लीच नाही. कधी कळणार हे तुला , सोबत असली प्रेमाची की प्रवास हा जाणवतही नाही. सहजीवनाच्या जीवनात तुझ्यासाठी विणले होते छोटेसे घरटे,समजून माझी तुला, पाहिली होती अनेक स्वप्ने स्वप्नात रंगणे तुला कधी जमलेच नाही कधी कळणार तुला, स्वप्नेही कधी कधी साकार होतात, स्वप्नील नजर मात्र हवी.