Skip to main content

कुठे असतोस मित्रा

लेखक शैलेश हिंदळेकर यांनी रविवार, 10/02/2013 या दिवशी प्रकाशित केले.
कुठे असतोस मित्रा तुझी भेट होत नाही तुला भेटल्या शिवाय झोप नीट येत नाही उपकारांचे मी तुझ्या कसे फेडावे रे ॠण हाच विचार असतो कैक दिवसांपासून तुझ्यामुळेच लाभली माझ्या पत्नीची ती मिठी फक्त तुलाच पाहून तिला वाटते रे भिती दॄढ मैत्रिचा आपल्या केला तीनेच की घात कीट-नाशक फवारा तीने मारला घरात आता कसली ती मिठी आणि कसे बिलगणे औषधाचा तो राहतो गंध अनेक महिने
लेखनविषय:
वाचने 3695
प्रतिक्रिया 24

प्रतिक्रिया

संजय क्षीरसागर रविवार, 10/02/2013
आहो, पंप पत्नीकडे आहे ना!.. त्यामुळे प्रेशर कंट्रोल करणं शक्य नाही, हे एक. आणि केंव्हा, कसा आणि कुणावर फवारा उडेल याचा नेम नाही, हे दुसरं.

शैलेन्द्र सोमवार, 11/02/2013
आहो, पंप पत्नीकडे आहे ना!.. त्यामुळे प्रेशर कंट्रोल करणं शक्य नाही, हे एक.
पत्नीवर कंट्रोल नाही हे सांगण्याचा क्षीण प्रयत्न

अग्निकोल्हा मंगळवार, 12/02/2013
मुद्दा हा आहे पत्निने पंप स्वतःहुन हाति घेतला की तुम्ही दिला ? जर तुम्ही दिला नसेल तर पत्नीवर कंट्रोल नाही हेच बरोबर.. अन तुम्हिच हाती दिला असेल तर मात्र पंपावर कंट्रोल नाही असं म्हणा हवं तर... ;)

परिकथेतील राजकुमार रविवार, 10/02/2013
काही लोकं आवडीने उडवतात आणि काही आवडीने अंगावरती उडवून घेतात असे पाहण्यात आले आहे.

प्रसाद गोडबोले रविवार, 10/02/2013
आवड एकेकाची =))

अग्निकोल्हा शुक्रवार, 15/02/2013
पाहणार्‍याचीही :)

आनन्दिता रविवार, 10/02/2013
छ्या बुवा !!! कवितेची टर उडवली तर पैसा ताई चावट म्हणते... अन भारी म्हटलं तर संक्षी काका ,बाजुला हो फवारा उडेल म्हणतात... करु तो क्या करु?? :) :)

पैसा रविवार, 10/02/2013
भारी प्रकार आहे!

संजय क्षीरसागर रविवार, 10/02/2013
तुझ्यामुळेच लाभली माझ्या पत्नीची ती मिठी फक्त तुलाच पाहून तिला वाटते रे भिती
पत्नी मिठी मारते म्हणजे सॉलिड कुणी तरी असणारे. आणि मग...
उपकारांचे मी तुझ्या कसे फेडावे रे ॠण हाच विचार असतो कैक दिवसांपासून
हे कसं जुळणार? पण... किटकनाशक फवारणीचं नवं अस्त्र उजेडात आणल्यामुळे श्वास कोंडला आहे.

आजानुकर्ण रविवार, 10/02/2013
प्रस्तुत प्राणी झुरळ आहे काय? (कीटनाशकांमुळे उंदीर मरत माहीत. आणि बायकांना झुरळांची जितकी भीती वाटते तितकी ढेकणांची वाटत नाही त्यामुळे वाटले.) झुरळ

शैलेश हिंदळेकर रविवार, 10/02/2013
समजून घे ना भाऊ, अरे कविता म्हणजे काय ते आता कुठे थोडं थोडं उमाजायला लागलय, जमेल लवकरच, तोवर जे काही तोडकं मोडकं मांडतोय त्याला तुम्हा दिग्गजांची दाद मिळाली तर लवकर सुधारणा होईल आणि ते सारं झुरळा बद्द्लच होतं बरं, काही मित्रांच्या प्रश्नाला उत्तर म्हणून सांगतो.

संजय क्षीरसागर रविवार, 10/02/2013
शेवटी (म्हणजे आता नाही, कवितेच्या शेवटी) सांगितलं असतं तर इतका फवारा उडाला नसता!

अधिराज सोमवार, 11/02/2013
मला झुरळाच्या कविता खूप आवडतात. कालच आमच्या बाईंनी शाळेत शिकवली. एक होतं झुरळ चालत नव्हतं सरळ..! तिकडून आली बस... बसमध्ये बसलं, तिकीट नाही काढलं.... तिकीटचेकरने पाहीलं, चिमटीत धरून फ़ेकलं.....!!!