प्रदीप कुलकर्णी ह्यांची '...मी खरा की तू खरा?' ही अप्रतिम गजल अनेक प्रश्न उभे करुन गेली आणि त्या प्रश्नांना वाचा फुटली ह्या काव्यातून! ........................................ ...मी खरा की तू खरा ? ........................................ बॉस मज माझा विचारी - मी खरा की तू खरा ? ही पुरे झाली 'हुशारी' - मी खरा की तू खरा ? मध्यरात्री काल मी जे काम त्याचे उपसले... आज तो म्हणतो दुपारी - मी खरा की तू खरा ? उत्तराची मेल नाही धाडता आली मला... प्रश्न आला तोच भारी - मी खरा की तू खरा ? शेवटी घोळात मी! सार्‍याहुनी मोठ्या जरा... मी पगारी; तू करारी - मी खरा की तू खरा ? बॉस माझा, आणि त्याचा...याचसाठी झुंजती याचसाठी 'चॅट'मारी - मी खरा की तू खरा ? बातम्या देशील माझ्या बॉसला माझ्या परी.... व्हायची 'खानेसुमारी' - मी खरा की तू खरा ! बरळ तू सोईप्रमाणे जे तुला बरळायचे... 'बाटली' सांगेल प्यारी - मी खरा की तू खरा ! कोण जाणे काय झाले? बॉस मी झालो अता - - प्रश्न मी आता विचारी - मी खरा की तू खरा ? चतुरंग