आई, अशी कशी ही दिवाळी येते पटकन, सरते झटकन, अभ्यासाला पुन्हा जुंपते दहा दिवस का जाती चटकन ! फराळाच्या डब्यात मोठ्ठ्या गोड गोड का तसेच उरते ? चकली चिवडा चट्टामट्टा पोटामध्ये भरकन जिरते ! भुईचक्र अन् टिकल्या आता कंटाळा मज येइ उडवता - धमाल दिसते मोठया हाती बॉम्ब नि रॉकेट आवाज करता ! सुट्टी असते किती ग हट्टी ठरल्या दिवशी येते जाते - मित्रमंडळी गोळा होता धमाल अमुची मनीं रहाते ! दिवाळी संपुन सुट्टी संपता जुनाट दिसती नवीन कपडे... आई, सांग ना दिवाळीस ग बारा महिने थांब, तू इकडे ! . .