मिसळपाव
ओढाळ स्मिताची रेष रेशमी फुलली
रचना हुरहुरली; काहुर गुंता; दृष्ट जाहली ओली
रज्जूंस पावली ऊर्जा मेघांमधली
दाटून श्वासभर अक्षत अंकित झाली
हे दूर-देखणे स्वर होते यक्षांचे
पारणे लाभले; फिटले; ज्वर अक्षांचे
राहिल्या मागुती गंधखुणा झुळुकेच्या
पापणीबंद सार्याच छ्टा प्रतिमेच्या
मग वाट पहाणे आठवणे गत उरले
नुरले भवताल; लयींवर; भुलले अंबर-झूले
एकांत झुरे भेटीसाठी लक्षण हे नच भवभोळे
पंजरी शरांच्या; भीष्म; स्मृती हळवेले
.........................अज्ञात
काव्यरस
| लेखनविषय: |
|---|
वाचने
1134
प्रतिक्रिया
4
प्रतिक्रिया
अफाट
अफाट!!
"काहुर गुंता" सोडलं तर अगदी
"काहुर गुंता" सोडलं तर अगदी छंदबद्ध झालीये कविता.
पण "काहुर गुंता" तसंच ठेवून लयीमध्येही चमत्कृती निर्माण होत असल्यामुळे छान वाटतंय.
पु.क.ले.शु.
लयीतल्या
In reply to "काहुर गुंता" सोडलं तर अगदी by प्रशांत उदय मनोहर
लयीतल्या चमत्कृतीबद्दल सहमत.
छान कविता.
छान ! प्रत्येक कडव्यातील
छान !
प्रत्येक कडव्यातील दूसरी ओळ जास्त आवडल्या गेली आहे..