गट्टू अन गिट्टी जात होते एकाच कॉलेजात तेथेच जुळले त्यांचे; गुंतले दोघे एकमेकात गट्टू स्वभावाने वांड होता गावात सोडलेला सांड होता याच्याशी भांड त्याच्याशी भांड असले उद्योग करत होता गिट्टीला तो खुपच सोज्वळ भासे कच्च्या लिंबाप्रमाणे कोवळा वाटे कॉपी केल्याने कॉलेजमधून रस्टीकेट झाला अपेक्षेप्रमाणे गट्टू एस.वाय.ला फेल झाला मनापासून प्रेम होते त्याचे गिट्टीवर ती न भेटली तर जीव होई खालीवर इकडे गट्टूच्या बापाने त्याला घराबाहेर काढला काहीतरी कामधंदा कर तरच घरी ये म्हणाला काय करावे काय करावे प्रश्न मोठा पडला उत्तर त्याचे माहीत नव्हते तेथेच गट्टू अडला गरीब बापाला दया येवून थोडे भांडवल त्याला दिले गट्टूने कमी मेहनतीचे मोबाईल रिचार्जचे दुकान सुरू केले नजरानजर होण्यासाठी एका गल्लीत त्याने टाकले दुकान आता कसे सोईस्कर झाले; समोरच त्याच्या गिट्टीचे मकान दुकान आता थोडे बरे चालत होते कुणी दहा तर कुणी वीसचे रिचार्ज मारत होते मात्र दिवसातून एखादे नवीनच गिर्‍हाईक २०० चे रिचार्ज मारून जाई पुन्हा तेच गिर्‍हाईक रिचार्ज मारण्यासाठी त्याच्या दुकानी न येई हळूहळू त्या २०० च्या रिचार्जचा एकच नंबर त्याला पाठ झाला होता नवनवीन गिर्‍हाईक जो नंबर रिचार्ज करी तोच नंबर गिट्टीच्या मोबाईलचा होता