Skip to main content

आज नव्याने

लेखक विश्वेश
Published on सोमवार, 21/03/2011
आज पुन्हा नव्याने केली मी जुन्या गीतांची होळी आज पुन्हा नव्याने शिवली मी माझी फाटकी झोळी झालो सज्ज रचाया तुझ्यावर नवीन सुरेल गाणी उघडली पुरचुंडी अन, काढल्या जुन्या आठवणी जुनेच सूर जुनेच तराणे ... लिहितो मी शब्द नवे जुनाच पूर जुनेच बहाणे ... वाहतो मी तुझ्या सवे मुद्दाम झालो पूर्णपणे रिते ... आता टाकली ती कात लिहायचो पूर्वी प्रेम गीते ... आता टाकली ती जात कवितेमधून दिसती आता ... काही उरले ओले क्षण दिसते तगमग उरातली अन ... दिसते थरथरले मन फिरून नव्याने विणतो आहे तीच जुनी मी जाळी आज पुन्हा नव्याने शिवली मी माझी फाटकी झोळी आज पुन्हा नव्याने केली मी जुन्या गीतांची होळी
लेखनविषय:
वाचन संख्या 1206
प्रतिक्रिया 4

प्रतिक्रिया

प्रकाश१११ सोमवार, 21/03/2011
छान .आवडले जुनेच सूर जुनेच तराणे ... लिहितो मी शब्द नवे जुनाच पूर जुनेच बहाणे ... वाहतो मी तुझ्या सवे पु.ले.शु

कच्ची कैरी सोमवार, 21/03/2011
मस्त आहे कविता !साध्या सोप्या शब्दांत मांडणी केलीत हे जास्त आवडले ,अजुन येउ द्या :)

प्रास सोमवार, 21/03/2011
कवितेमधून दिसती आता ... काही उरले ओले क्षण दिसते तगमग उरातली अन ... दिसते थरथरले मन
विश्वेशजी, दिसणारे मन थरथरले असावे की थरथरते? ..... एक साधीशी चौकशी.