Skip to main content

आज नव्याने

लेखक विश्वेश यांनी सोमवार, 21/03/2011 10:08 या दिवशी प्रकाशित केले.
आज पुन्हा नव्याने केली मी जुन्या गीतांची होळी आज पुन्हा नव्याने शिवली मी माझी फाटकी झोळी झालो सज्ज रचाया तुझ्यावर नवीन सुरेल गाणी उघडली पुरचुंडी अन, काढल्या जुन्या आठवणी जुनेच सूर जुनेच तराणे ... लिहितो मी शब्द नवे जुनाच पूर जुनेच बहाणे ... वाहतो मी तुझ्या सवे मुद्दाम झालो पूर्णपणे रिते ... आता टाकली ती कात लिहायचो पूर्वी प्रेम गीते ... आता टाकली ती जात कवितेमधून दिसती आता ... काही उरले ओले क्षण दिसते तगमग उरातली अन ... दिसते थरथरले मन फिरून नव्याने विणतो आहे तीच जुनी मी जाळी आज पुन्हा नव्याने शिवली मी माझी फाटकी झोळी आज पुन्हा नव्याने केली मी जुन्या गीतांची होळी
लेखनविषय:
वाचने 1215
प्रतिक्रिया 4

प्रतिक्रिया

प्रकाश१११ सोमवार, 21/03/2011 12:43
छान .आवडले जुनेच सूर जुनेच तराणे ... लिहितो मी शब्द नवे जुनाच पूर जुनेच बहाणे ... वाहतो मी तुझ्या सवे पु.ले.शु

कच्ची कैरी सोमवार, 21/03/2011 18:18
मस्त आहे कविता !साध्या सोप्या शब्दांत मांडणी केलीत हे जास्त आवडले ,अजुन येउ द्या :)

प्रास सोमवार, 21/03/2011 23:32
कवितेमधून दिसती आता ... काही उरले ओले क्षण दिसते तगमग उरातली अन ... दिसते थरथरले मन
विश्वेशजी, दिसणारे मन थरथरले असावे की थरथरते? ..... एक साधीशी चौकशी.

गणेशा मंगळवार, 22/03/2011 00:25
कविता छानच कवितेमधून दिसती आता ... काही उरले ओले क्षण दिसते तगमग उरातली अन ... दिसते थरथरले मन बेस्ट