मराठी साहित्य, संस्कृती आणि लेखनाचे व्यासपीठ
प्रवेश करा | सदस्य व्हा
मिसळपाव मराठी माणसांचे ऑनलाईन व्यासपीठ

अजून श्वास पाळती ! तुझ्या खुणा पुन्हा पुन्हा........

मयुरेश साने · · जे न देखे रवी...
लेखनविषय:
गझल
काव्यरस
शृंगार
(व्रुत्त पंचचामर... एक लघु आणि एक गुरु या क्रमाने ...अक्षरे योजली आहेत, पहिलाच प्रयत्न आहे.) मला कशास भेटती ? तुझ्या खुणा पुन्हा पुन्हा तुझ्या परीच वागती ! तुझ्या खुणा पुन्हा पुन्हा..... पुसू कश्या तुझ्या स्मृती ? स्मरू तरी किती पुन्हा? मला पुसून टाकती ! तुझ्या खुणा पुन्हा पुन्हा जरी तुझ्या सवेच मी ! तुझ्याच आसपास मी उगाच वाट पाहती ! तुझ्या खुणा पुन्हा पुन्हा....... अजून चंद्र चांदण्या ! तुला मलाच शोधती बनून स्वप्न जागती ! तुझ्या खुणा पुन्हा पुन्हा जुना रदीफ़ काफिया ! मुशायरा नवा पुन्हा तशा नवीन भेटती ! तुझ्या खुणा पुन्हा पुन्हा....... जिवंत मी ! असा कसा? मरून संपलो तरी ? अजून श्वास पाळती ! तुझ्या खुणा पुन्हा पुन्हा........ मयुरेश साने ........दि..१६-ओक्ट-10
वाचने 1961 वाचनखूण प्रतिक्रिया 13

प्राजु 30/11/2010 - 21:38
अतिशय सुरेख!! शब्दच नाहीत! जुना रदीफ़ काफिया ! मुशायरा नवा पुन्हा तशा नवीन भेटती ! तुझ्या खुणा पुन्हा पुन्हा....... जिवंत मी ! असा कसा? मरून संपलो तरी ? अजून श्वास पाळती ! तुझ्या खुणा पुन्हा पुन्हा........ हे जास्ती आवडले..

शैलेन्द्र 30/11/2010 - 23:39
सुंदर कविता.. पुसू कश्या तुझ्या स्मृती ? स्मरू तरी किती पुन्हा? मला पुसून टाकती ! तुझ्या खुणा पुन्हा पुन्हा वा

स्पंदना 01/12/2010 - 08:44
आई ग! बरच प्रभुत्व दिसतय शब्दांवर! मला काव्य बांधायला कधिच नाही जमल अन तुम्ही अगदी लघु गुरु पर्यंत .. वाव्व!

प्रकाश१११ 01/12/2010 - 09:35
पुसू कश्या तुझ्या स्मृती ? स्मरू तरी किती पुन्हा? मला पुसून टाकती ! तुझ्या खुणा पुन्हा पुन्हा मस्त जमलीय एकदम आवडली.!!

गणेशा 01/12/2010 - 15:20
पुसू कश्या तुझ्या स्मृती ? स्मरू तरी किती पुन्हा? मला पुसून टाकती ! तुझ्या खुणा पुन्हा पुन्हा जिवंत मी ! असा कसा? मरून संपलो तरी ? अजून श्वास पाळती ! तुझ्या खुणा पुन्हा पुन्हा........ अतिशय छान