चालता डौलात तू ग -

चालता डौलात तू ग, मी असे न्याहाळले- का कुणाला वाटले मी कैक प्याले रिचवले ! खरडुनी अपुला गळा तू गीत कोमल गाइले- छान ! कळले नाहि तुज, मी कर्णयंत्रा काढले ! मिरवशी स्कूटीवरी तू ऐटिने रस्त्यावरी- वाटते गजराज बसुनी मूषकावर चालले ! इकडुनी जातेस तिकडे- तू जरी हळु चंचले- भासती भूकंप भारी भूतलावर जाहले ! चंद्र तुझिया चेह-यावर छान कोणा भासतो- डाग मुखकमलावरी ते पाहुनीया मानले !