भक्तीगीतः गणपती त्यांच्या घरी गेले

दहा दिवस थांबले घरी
आनंद आणला त्यांनी दारी
पुजा अर्चनाने घर पवित्र झाले
गणपती त्यांच्या घरी गेले ||१||

म्हटल्या आरत्या मोठ्या आवाजाने
ओवाळले निरांजन भक्तीभावाने
प्रसादाचे मोदक कितीक वाटले
गणपती त्यांच्या घरी गेले ||२||

हर्षाचा उत्सव पुर्ण झाला आता
नाच नाचून देहभान हरपता
"पुढल्या वर्षी लौकर या" सारे बोलले
गणपती त्यांच्या घरी गेले ||३||

- पाषाणभेद (दगडफोड्या)
२३/०९/२०१०