आली गं आली होळीपुनवेची रंगपंचीम आली

तुम्हा दोघांचे म्हणणे खरे आहे. पण त्या त्या सणावाराच्या वेळी तसलीच कविता प्रसूत होईल हे कसे सांगावे? जेव्हा दिवस भरतात तेव्हाच प्रसूती होते. काळवेळ काय सांगून येत नाही. बाकी होणार्‍या बाळाला (कवितेला) नावं-नाव ठेवण्याचा- बारशाचा (प्रतिसाद/ प्रतिक्रिया रूपी) समारंभ तुम्ही त्या बाळाचे नातेवाईक (वाचकरुपी) योग्य मुहूर्त पाहून (त्या त्या सणावाराच्या/ मुहूर्ताच्या वेळी) करू शकतात. हो की नाही? अर्थात त्यासाठी तुम्हाला बाळांची पाळण्यातली नावे लक्षात (संकेतस्थळी खोदकाम रूपी) ठेवावी लागतील. ('कार्ट दुसर्‍याचं' असल्याने अन अशी कार्टी अनेक संख्येने असल्याने तुम्ही बाळांची पाळण्यातली नावे लक्षात कशाला ठेवतील म्हणा.) असो. काही बाळे राजकुमार असतात की त्यांना सारे जग ओळखते अन काही बाळे काट्याकुट्यात, जंगलात जन्म घेतात जी जंगलालाच प्यारी असतात अन ती जंगलाची राजे असतात. तुमचा सल्ला लक्षात घेवून 'नैसर्गीक प्रसूती' रोखून धरून योग्य सणावाराच्या/ मुहूर्ताच्या वेळी सिझेरीन करून प्रसूती करवून घेत जाईल. पण माझ्या 'खेपांची' संख्या जास्त असल्याने कधी कधी तसे होणारही नाही. म्हणून तुम्हाला योग्य वाटले तर बाळांना 'नावे' ठेवत चला.