(मृगजळाचे अनधिकृत बांधकाम )
लेखनविषय:
काव्यरस
ग्रेस याच्या अनेकरंगी , गूढगर्भ प्रतिमांचा गिलावा सामान्य व्यक्ती आणि प्रसंगावर मारून केलेलं हे बांधकाम
पिशवीतून घेऊन कोबी ,
चंद्राचा साजण आला
गात्रात उमटली ओवी
भाजीचा प्रश्न निवाला
फेकून विडीचा पावा,
दारात उभा गिरिधारी
क्षितीजाला आधण आले
तुज प्रीत चहाची भारी.
कापता दु:ख कांद्याचे,
डोळ्यातून चंद्र गळाले,
कोबीची हिरवी माया
डाळीचे मोती झाले.
खाऊन चिऊचे घास,
शयनाला साजण गेला,
अन उष्टी आवरताना
शबरीचा जीव रमेना
मालवता दीप घराचे
रक्तात फुले कोरंटी,
ओट्यावर लाजून हसली
ती कढईची वेलांटी.
वाचने
2197
वाचनखूण
प्रतिक्रिया
14
याला म्हनतात 'मुक्त''छंद'..
कडव्या कडव्यात छंद मुक्त पने नाचतोय.. लै भारी
ग्रेसच्या कविता कळायला कठीण असतात, त्या सगळ्यांचंच असं सुलभीकरण व्हावं असं वाटतं. लगे रहो.
जरा मूळ कवितेचा दुवा दिलात किंवा ती टंकून दिलीत तर अधिकच बहार येईल.
In reply to झकास by राजेश घासकडवी
ग्रेसच्या प्रतिमाप्रचुर शैलीचे विडंबन करावे असा हेतू होता. त्यामुळे एकच अशी कविता डोळ्यासमोर नव्हती.
आठवतील त्या सगळ्या प्रतिमांवर हात मारून घेतला. (सुमित्रेची आद्यप्रतिमा सोडून)
अनाधिकृत बांधकामात पाण्याच्या लाईनचा ( पाईप लाईन ) प्रश्न कसा निर्माण होईल .. मृगजळ आहेच.
(खुद के साथ बातां : रंगा, ग्रेसच्या कविता ह्यामुळे समजायला लागतील की काय? ;))
चतुरंग
लै भारी
वाहवा .. फार उत्तम
एकदम आवडले :)
डाळीचे मोती आणि कढईची वेलांटी विशेष :)
सुरेख विडंबन.
लई भारी विडंबन. सुमित्रेबरोबर इतरही अनेक "आदिबंध" आहेत. (भाज्यासुद्धा सर्व कुठे झाल्या ? कांदामुळाभाजी आवघी ग्रेसाई माझी !) अजून येऊ द्यात ! :-)
In reply to वाहवा ! by मुक्तसुनीत
राघव वेळा पण राहिले की..
होय .. चंदन , घोडा , चर्च , संध्यामग्नता ..बरंच काही आहे
लै भारीच. इथं मिक्स व्हेज झालं. आता बाकीच्या एकेक भाज्या निवडून त्याही करायला हरकत नाही. :)
विडंबन आवडले. चित्रदर्शी वाटले.
(भरपेट)बेसनलाडू
अयायाया..