(मृगजळाचे अनधिकृत बांधकाम )

ग्रेस याच्या अनेकरंगी , गूढगर्भ प्रतिमांचा गिलावा सामान्य व्यक्ती आणि प्रसंगावर मारून केलेलं हे बांधकाम पिशवीतून घेऊन कोबी , चंद्राचा साजण आला गात्रात उमटली ओवी भाजीचा प्रश्न निवाला फेकून विडीचा पावा, दारात उभा गिरिधारी क्षितीजाला आधण आले तुज प्रीत चहाची भारी. कापता दु:ख कांद्याचे, डोळ्यातून चंद्र गळाले, कोबीची हिरवी माया डाळीचे मोती झाले. खाऊन चिऊचे घास, शयनाला साजण गेला, अन उष्टी आवरताना शबरीचा जीव रमेना मालवता दीप घराचे रक्तात फुले कोरंटी, ओट्यावर लाजून हसली ती कढईची वेलांटी.