Skip to main content

स्पर्शून तारकांना..

लेखक प्राजु यांनी शुक्रवार, 23/04/2010 या दिवशी प्रकाशित केले.
स्पर्शून तारकांना गाई पहाट वारा कंपीत शब्द माझे आणि तुझा इशारा!!! गंधात नाहलेली, लाजून जात जाई घेई उगा मिटूनी, तो शुभ्रसा पिसारा झंकारले अशी की, काया सतार झाली तू छेडीले जरा अन, देहावरी शहारा आली भरात आता, भलतीच प्रेम वेला बेबंध श्वास माझे आणि तुझा उबारा.. स्पर्शात या तुझ्या रे, वर्षाव हा हिमाचा पेटून तप्त होई, माझ्या उरी निखारा दर्यास या मनीच्या, भलते उधाण आले आवेग सोसवेना, सांभाळ तोल सारा - प्राजु
काव्यरस
शृंगार
लेखनविषय:
वाचने 4181
प्रतिक्रिया 24

प्रतिक्रिया

विसोबा खेचर शुक्रवार, 23/04/2010
दर्यास या मनीच्या, भलते उधाण आले आवेग सोसवेना, सांभाळ तोल सारा
वा प्राजू, जियो..! तात्या.

मीनल शुक्रवार, 23/04/2010
रात्रीच्या तारकांना स्पर्शून होणारी पहाट, लाजून स्वत:ला मिटून घेणे, सतारीच्या झंकारीसारखा शहारा, भरात आलेला बेबंद श्वास, उधाण आलेले असताना जाणारा तोल हे सारे एकमेकांशी निगडित आहे. हिमाचा वर्षाव आणि उरीचा निखारा हेही आवडले. परस्पर विरूध्द तरी ही इथे मात्र पूरक आहेत. क्लासिक रोमांस! :X मीनल. http://myurmee.blogspot.com/

स्वाती दिनेश शुक्रवार, 23/04/2010
प्राजु, कविता आवडली. स्वाती

दिपाली पाटिल शुक्रवार, 23/04/2010
कविता छान वाटली... दिपाली :)

३_१४ विक्षिप्त अदिती शुक्रवार, 23/04/2010
आणखी एक सुंदर कविता प्राजु! आता अगदी रहावत नाही आहे म्हणूनः कविता वाचून विडंबन करावं असं वाटलं, पण हाय दारू सोडून दुसरा विषय सुचतच नाही आहे. अदिती

मदनबाण शुक्रवार, 23/04/2010
सुंदर... :) मदनबाण..... There is no need for temples, no need for complicated philosophies. My brain and my heart are my temples; my philosophy is kindness. Dalai Lama

स्पंदना शुक्रवार, 23/04/2010
अतिशय सुन्दर!! शब्दांना नसते दुखः; शब्दांना सुखही नसते, ते वाहतात जे ओझे; ते तुमचे माझे असते.

डावखुरा शनिवार, 24/04/2010
निशःब्द...... (गालावरुन कधी मोरपीस फिरवले आहे का? अगदी तोच अनुभव आला...) "राजे!"

राजेश घासकडवी शनिवार, 24/04/2010
एक धुंदी छान उतरली आहे सहजशब्दात... वर्षाव हिमाचा उष्ण कटिबंधी रूपकांमध्ये बसत नाही असं वाटलं.

चित्रा शनिवार, 24/04/2010
कवितेचे गाण्यात रूपांतर होऊ शकेल असे वाटते.

जयवी शनिवार, 24/04/2010
प्राजु........फार गोड कविता :)

मनीषा रविवार, 25/04/2010
झंकारले अशी की, काया सतार झाली तू छेडीले जरा अन, देहावरी शहारा सर्वच कल्पना आणि शब्दरचना सुरेख आहेत . अतिशय सुंदर कविता

अविनाशकुलकर्णी रविवार, 25/04/2010
कविता आवडली.

अम्रुताविश्वेश सोमवार, 26/04/2010
खूपच सूरेख :) :X

निरन्जन वहालेकर सोमवार, 26/04/2010
अतिशय सुरेख कविता ! खूप खूप आवडली ! ! आतापर्यंत मिपा वर तुमच्या बहारदार कविता वाचल्यात आता नवीन अल्बम ची सी डी एकण्यांत कधी येते याची उत्सुकता आहे नवीन सीडी व कविता प्रकाशनासाठी अभिनंदन व हार्दिक शुभेच्छा ! ! !

फ्रॅक्चर बंड्या सोमवार, 26/04/2010
दर्यास या मनीच्या, भलते उधाण आले आवेग सोसवेना, सांभाळ तोल सारा फारच छान binarybandya™

चतुरंग मंगळवार, 27/04/2010
छान कल्पना आहेत. आमची पेश्शल प्रतिक्रिया इथेही वाचता येईल! ;) चतुरंग