सप्रेम नमस्कार ! मंडळी , सहज मनात विचार आला , आपण जे सारखे तुलना करत असतो एकमेकांशी, प्रत्येकाला नेहेमीच वाटते , माझ्यापेक्षा याची (शेजार्‍याची)बायको / शेजारणीचा नवरा सुंदर आहे ! देअर ईज ऑल्वेज अ ग्रीनरी ऑन द अदर साईड ऑफ द फेन्स ! आणि मग वाटले हे प्रहर पण करत असतील का हो एकमेकांशी तुलना? ह्या विचारातून काही ओळी सुचल्या.....बघा पटतात का..... प्रहरांचे दु:ख..... हे भरले मळवट* भाळी मिरवते कशी ही उषा? * पहाटेचा लालिमा जणू लाल मळवट तू सवत जणू की माझी , पहाटेस रात म्हणाली ! बघ साज लाल सोनेरी मिरवते कशी ही उषा सौभाग्यवती मी कफल्लक , उषेस पहाट म्हणाली ! मी रणरणत्या दाहाचे का घालावे मंगळसूत्र? बघ हाश्शहुश्श होणारी , पहाटेस दुपार म्हणाली ! मी परतुनी आणी सर्वां , सुखरूप आपल्या घरी मम तुलना का मरणाशी? ** ती संध्याकाळ महणाली ! ** आयुष्याची संध्याकाळ म्हणजे जवळ आलेले मरण. कां रोज हा दुरावा ? का क्रूर ही प्रणाली? कलत्या उन्हांत छाया , माझी मला म्हणाली !