घेता घेता नशा चढेल

देता देता प्रेम वाढेल

बोलता बोलता शब्दच संपेल

बघता बघता नजर अडकेल

भेटता भेटता मनच गुंतेल

निघता निघता पाऊल थबकेल

चालता चालता वाटच संपेल

पाहता पाहता नजर पाणावेल

घेता घेता श्वासही थांबेल

वळून बघता वाटेल, इथं सारंच संपेल

या निरगाठी तोडता ह्रदय नक्की तुटेल

सारंच संपताना नंतर आठवण सुद्धा रडेल..!

तू येशील आणिक जाशील
काही देशील ,काही घेशील
पहाटेच्या साखरस्वप्नांना
गुलाबी बनवून जाशील!

भरती-ओहोटीचा खेळ होईल
किनारा परत एकटा राहील
तेव्हा जपलेल्या खुणांना
सांग नातं कधी देशील?

अर्थ, संदर्भ गोठून जातील
जेव्हा तुझे शब्द ऐकू येतील
पण एकटं असताना
तेच तर माझी साथ देतील!

मग अशीच तू वेळ ठरवशील
भेटण्यासाठी इथं येशील
घड्याळातल्या काट्यांना
सांग तेव्हा तू कसं बांधशील?

वेळ संपली, आता तू निघशील
पण आता एक करशील?
पुन्हा आपण भेटताना
निदान ह्या नात्याचं नाव सांगशील?

(1993 च्या आसपास कधीतरी आलेल्या दलाल या मिथुन चक्रवर्ती अभिनीत टुकार हिंदी चित्रपटातील "ठेहरे हुए पानीमें" या भावस्पर्शी गीताचा स्वैर मराठी अनुवाद...) नको मारू खडा रे सख्या संथ निवांत या पाण्यावर उमटतील रे तरंग त्याचे माझ्या स्तब्ध या मनावर तुझ्यासाठी अनोळखी मी अन् तुही तसा परका मला कसं जाणल तू दु:ख माझं घाव जगापासून लपलेला सा~यानाच वेड असतं रे फुलांचं कुणी प्रेम करत नाही काट्यांवर मीही अशीच एक अभागी काटा नसू दे रे त्याची सावट तुझ्यावर तूच सांग रे सख्या मला आता कसा घ्यायचा स्वप्नांचा झोका अपुर्‍या राहतील इच्छा मनीच्या चालत नसते कधी वाळूत नौका नको मारू खडा रे सख्या संथ निवांत या पाण्याव

ही कविता मी ११ वीत असताना वाचली होती एक तारका हवी होती आकाश सजविण्यासाठी एक स्पर्श हवा होता धु॑द क्षण जगण्यासाठी एक तुच हवी होतीस मला साथ देण्यासाठी