बर्‍याचदा मिपावर नवीन काही आले की ते आणि त्यावरच्या प्रतिक्रिया वाचल्यावर लोक कसे कसे असू शकतात त्याची जाणीव होते. पानभर लेखावर दाणकन दिलेल्या पानभर प्रतिक्रिया, सटासट दिलेले संदर्भ, खपकन काढलेले जुने/ नवे मुद्दे (अनासपुरे स्टाईल), प्रतिक्रियांमधे असलेला आणि दाखवून दिला गेलेला विरोधाभास, भराभर आलल्या लिंका, एकमेकांची खेचाखेची आणि बरेच काही..... सगळे बघितले की वाटते ही माणसे 'ल....य भारी' असतील. काही विद्वज्जनांचे वर्च्युअल चेहरे देखील डोक्यात फिट्ट झालेत. काही लोक षटीसामाटी तरी हसत असतील का किंवा त्यांना विनोद अजिबात कळत नाही का अशा पद्धतीचे वाटतात.

नमस्कार मंडळी, गेले काही दिवस एका विचित्र प्रश्न कम समस्येने आम्हाला भयंकर छळले आहे.

दिनांक २२ मे २००४ पासून आतापर्यंत पंतप्रधान असलेल्या माननीय मनमोहनसिंग यांच्या कालावधीतील, भारतातील सर्वात मोठे, राष्ट्रकुलस्पर्धा व स्पेक्ट्रम घोटाळे उघडकीस आलेले आपणा सर्वांना माहीती आहेच. या घोटाळ्याचे दोषी म्हणून कलमाडी व राजा यांचेकडे निर्देश केला जात आहे. जणूकाही फक्त हेच दोघे दोषी असल्याचे वातावरण आहे आणि सर्व माध्यमे पंतप्रधान मनमोहनसिंग कसे स्वच्छ चारित्र्याचे आहेत हे पुनःपुन्हा सांगत आहेत. त्यामुळे सामुहीक जबाबदारीचे तत्त्व वगैरे काही असते हे यांना लागू नाही का ?