नमस्कार मंडळी, बरेच दिवसांपासून गणपाच्या हातच्या अफलातून पाककृती खाताना हा विचार करत होतो की याच्या बरोबर कोणते कॉकटेल चांगले लागेल. घरी थोडेफार प्रयोग केल्यानंतर असे वाटू लागले की आपण गणपाशेटलाच विचारावे का अश्या जॉईंट-व्हेंचर बद्दल? आणि गणपाशेठनी झटकन परवानगी दिली. थोडक्यात म्हणजे मी गणपाशेटच्या जोरावर माझी पब्लीसीटी करतो आहे म्हणाना. असो नमनाला घडाभर तेल पुरे. तर एकंदर योजना अशी की गणपा एक पाकृ आणि मी त्या बरोबर जमेल असे एक कॉकटेल असा विकांताचा मेन्यू म्हणन द्यायचा. तर मंडळी जर ही कल्पना आवडली असेल तर प्रत्यक्षात यायला वेळ लागणार नाही.

पालकांच्या दिसण्यावर जाऊ नका. ही पालकं दिसायला ओबड धोबड असली तरी चविला तर छान असतातच शिवाय कॅल्शियम युक्तही असतात. खुबड्यांप्रमाणे समुद्रात दगडांवर चिकटलेली किंवा वळवळताना सापडतात. ही भरपुर घासुन आणि बर्‍याच पाण्यात धुवुन घ्यावीत म्हणजे ह्यात अडकलेली रेती निघुन जाते. साहित्य : पालकं ५ ते ६ लसुण पाकळ्या ठेचुन १ ते २ कांदे चिरुन हिंग, हळद मसाला १ ते २ चमचे आल, लसुण, मिरची, कोथिंबिर वाटण १ ते २ लहान चमचे सुके खोबरे + कांदा भाजुन केलेले वाटण ४ ते ५ चमचे तेल, मिठ गरम मसाला १ चमचा. ही पालके पालकं साफ करणे हे खुप किचकट काम आहे.

साहित्यः १/२ किलो ताजा गोड चक्का १/२ किलो साखर दीड कप ताजा आंब्याचा रस (तुम्ही कॅन मधे मिळणारा आंब्याचा रस वापरु शकता) चारोळ्या आवडत असल्यास किंचित वेलची-जायफळपूड (ऐच्छिक) पाकृ: चक्क्यात साखर मिसळून २ तास झाकून ठेवावे. त्यात मग आंब्याचा रस , वेलची-जायफळपूड घालून, पुरण यंत्राला बारीक चाळणी लावून त्यातून फिरवून घ्या म्हणजे नीट एकजीव होईल. चारोळ्या घाला, वरून केशरकाड्या घालून सजवा.