व्यर्थ न हो त्यांचे बलिदान....

दिल्याबद्दल धन्यवाद. पोलिस दिनाविषयी काहीही माहिती नव्हते, ह्या लेखातून खूप चांगली माहिती समजली. गेल्या नोव्हेंबरात मुंबईवर झालेल्या हल्य्यातही अत्यंत तुटपुंज्या सामग्रीनिशी लढणार्‍या मुंबई पोलिसांनी शौर्याने सामना केला, त्यात त्यातील काही शहीदही झाले. जो एकमेव दहशतवादी पकडला गेला आहे, तोही त्या पोलिसांमुळेच! महाराष्ट्र पोलिसांच्या राहणीमानाविषयी एक खूप चांगला लेख, मला वाटते 'युनिक फीचर्स' ने सिंडिकेट केलेला, काही वषांपूर्वी एका दिवाळी अंकात वाचावयास मिळाला होता. त्यात त्यांचे क्वार्टर्स किती जुनाट आहेत, त्यांचे कामाचे तास व कामाची ठिकाणे, त्यांना रोजच ज्या हालापेष्टांमधून जावे लागते, त्याविषयी उपयुक्त माहिती होती. सर्वसाधारणपणे आपण मध्यम्वर्गीय माणसे पोलिसांवर टिकाच करत असतो. आपण सर्वांनीच कधी ना कधी तरी त्यांच्या मग्रूरीचा व 'खाबूगिरी'चा अनुभव प्रत्यक्ष घेतलेला असतो, अथवा त्याविषयी काहीतरी ऐकलेले असते. पण अनेकदा ते ज्या परिस्थितीत काम करत असतात, ते पाहिले की अत्यंत वाईट वाटते. उदा. धारावी ६० फूटी रस्त्यावर माहिम स्टेशनच्या क्रॉसिंगवर वाहतूकीचे नियंत्रण एक पोलिस मधोमध उभा राहून करत असतो. रोज सुमारे ४५ तास तसे केल्यावर त्याच्या शरिरावर काय परिणाम होत असेल? मुंबई- पुण्यातील किती पोलिस हृदयविकाराचे बळी झालेले आहेत? ह्याविषयी कुण्या जाणकाराने अवश्य लिहावे. पुन्हा एकदा: पुनेरी ह्यांच्या आतापर्यंतच्या लौकिकास साजरा असा हा लेख आहे. माहितीपूर्ण व उगाच आक्रस्ताळी नाही. असेच लिहीत रहा.