पश्चिमेचा गार वारा

सुबक ठेंगणी, माझा कॅमेरा तेव्हा बिघडला होता. त्यामुळे फोटो काढले नाही. तसं ग्रुपमधल्या काही लोकांनी फोटो काढले आहेत. त्यांच्याकडून अनुमती मिळाल्यास टाकीन नक्की इथे काही फोटो. (पण त्यात "त्या" जागेबद्दल काहीच नसणार. ;) ) संजयकाका, तुमचाही अनुभव चित्तथरारक आहे. शेवटी सुखरूप सुटल्यामुळे आता काही वाटत नाही. पण ती वेळ आली होती तेव्हा लै टरारली होती...अर्थात, काही उपयोग नसल्यामुळे कसं रिऍक्ट व्हावं तेच कळत नव्हतं. नरेंद्रकाका, मिसळभोक्ता, भाग्यश्री, प्रकाशकाका, दिपाली, एकलव्य, ९६-मराठा, प्राजु, क्रांती, संजयकाका, कर्क, अभिज्ञ, सहज अभिप्रायांबद्दल धन्यवाद. हेलिकॉप्टरची व्यवस्था अमेरिकेत सुबत्ता असल्यामुळे होऊ शकली. भारतात आजतरी ते शक्य नाही. पण अमेरिकेला सलाम आहे तो हेलिकॉप्टरमुळे नव्हे, तर तिथल्या लोकांच्या सर्व्हिसमुळे. एक हरवलेला मनुष्य सापडल्यानंतर त्याला भूक लागली असेल, तहान लागली असेल, झोप झालेली नसेल, थंडी वाजत असेल, त्याचे लोकं येईपर्यंत त्याला जास्तीतजास्त कंफर्टेबल कसं वाटेल, याचा विचार तिथल्या लोकांनी केला, तो आपल्याइथे लोकं करतात का, याबद्दल मला शंका आहे. मिसळभोक्ता, >>अमेरिकेचे गुणगान करणार्‍या कुठल्याही लेखनास येथे फा*वर मारण्यात येईल<< हेलिकॉप्टर वगैरे राहू द्या. तिथली सुबत्ता आणि टापटीपसुद्धा सोडून द्या. माणुसकीची आयडिया असेलही आपलीच. पण पुढे काय झालं त्या आयडियाचं, ते महत्त्वाचं. साधी गोष्ट आहे. "पब्लिक ट्रान्स्पोर्ट" म्हणून अस्तित्वात असलेली आपल्या भारतातली बस कुठल्या पब्लिकच्या कंफर्टचा विचार करून तयार केली जाते हेच कळत नाही. म्हातारी माणसं, पांगळी माणसं, गरोदर स्त्रिया यांना बसचा प्रवास करणं सुरक्षित वाटेल का? या लोकांना कमी कष्टांमध्ये बसमध्ये चढता येण्याची व्यवस्था आपल्याकडे असते का? अमेरिकेत म्हातारे, अपंग आणि गरोदर स्त्रिया यांना बसमध्ये/ट्रेनमध्ये शिरण्यासाठी स्पेशल व्यवस्था असते. तसेच, या व्यक्ती आत शिरल्याशिवाय इतरांना आत शिरता येत नाही. तसेच आत जर आधीपासून अपंग,इ. व्यक्ती असताना त्यांना जिथे उतरायचं आहे, त्या स्टॉपपाशी हे लोकं उतरल्याशिवाय इतर कोणालाही आत चढता येत नाही/उतरता येत नाही. या व्यक्ती आत शिरल्यावर त्यांच्यासाठी आरक्षित जागेवर ते व्यवस्थित स्थानापन्न झाल्याशिवाय बस सुरू होत नाही. वास्तविक अमेरिकेत स्वत:च्या वाहनावर प्रवास करणार्‍या लोकांचं प्रमाण जास्त आहे. तरी पब्लिकचा विचार करून पब्लिक ट्रान्स्पोर्टच्या गाड्या बनवल्या असतात (किंबहुना, कुठल्याही सार्वजनिक ठिकाणची व्यवस्था तशी असते.). इथे भारतात बहुजनसमाजासाठी असलेली बस (no pun intended) समाजाचाच घटक असलेल्या अपंग, वृद्ध व गरोदर स्त्रियांच्या दृष्टीने गैरसोयीच्याच आहेत. असो. असे कितीतरी मुद्दे आहेत ज्यांमध्ये प्रामाणिक तुलना करायची झाली, तर अमेरिकेचं पारडं जड ठरेल. (राजकीय, परराष्ट्रीय संबंधांबद्दल मी बोलत नाही. पण देशातला अंतर्गत कारभार अमेरिकेत जास्त प्रामाणिकपणे चालतो हे दुर्दैवानं सत्य आहे. :( ) आपला, (मिपाकर) प्रशांत --------- मी 'देव'प्रुफ कवितासुद्धा करतो.