चॉकलेट कुकीज

माझ्या मुलीला इकडे आल्यापासुन ह्या कुकीज खुप आवडतात्,म्हणुन मीच करायला शिकले . तिच्यासाठी वेगवेगळ्या आकारात ह्या बनवल्या आहेत.
समस्त खवयांना आणि विशेष करुन लहान मुलांच्या आयांना (आईचे अनेक वचन) आवडतात का बघा..:)
माझ्या मुलीला आणि मैत्रिणींना खुप आवडल्या. मी ही एका मैत्रिणी कडुनच शिकले आहे.

साहीत्यः
ब्रेड फ्लोअर्(मैदा) २ १/४ कप
ब्राऊन साखर १ कप
पिठी साखर (पांढरी) ३/४
मिठ चविनुसार
बेकींग सोडा १ चमचा
दुध ५-६ चमचे (अंदाजे)
बटर (लोणी) २२५ ग्रॅम
चॉकलेट चिप्स आवडीनुसार हवे तेवढे.

कृती:
ब्रेड फ्लोअर्, मिठ, बेकींग सोडा एकत्र चाळुन घेणे (चाळण नसेल तर मिक्सर मधुन फिरवणे)
त्यात लोणी, ब्राऊन साखर, पांढरी साखर आणी लोणी घालुन खुप फेटणे.
तयार मिश्रण श्रीखंडा एवढे घट्ट होइल इतपत दुध घालुन सरबरीत (फेटणे) करुन घेणे.
त्यात चॉकलेट चिप्स हव्या तेवढ्या घालुन पुन्हा निट एकत्र करणे.
ओव्हन ट्रे मध्ये हव्या त्या आकारात तयार मिश्रण घालणे .
ओव्हन ३७५ वर प्रीहीट करुन १०-१२ मिनिटे बेक करणे.
बेक करताना ओव्हन मध्ये वरुन दुसर्‍या रॅक मध्ये ठेउन बेक करावे.

जर बिस्कीटे खुप कुरकुरीत हवी असतील तर आणखी २-४ मिनिटे ठेवावीत.
ही बिस्कीटे ट्रे मधे खुप अंतर ठेउन घालावीत ती खुप पसरतात.(ते फोटोत दिसत असेलच ;))
बेक झाल्यावर साधारण तासाभरानी ही बिस्कीटे छान खुसखुशीत होतात.