तुला हसताना पाहिलं
की वठलेल्या झाडाला पालवई फुटते
आणि वर्षभर कोरडी असणारी नदी
दुथडी भरुन वाहू लागते
तुला हसताना पाहिलं
की भर ग्रिष्मात वसंत अवतरतो
पावसाची चाहूल लागण्या आधीच
मोर पिसारा फुलवून नाचतो
तुला हसताना पाहिलं
की त्या मेघालाही पाझर फुटतो
इंद्रधनू तर चोहिकडे
सप्तरंग उधळीत फिरतो
तुला हसताना पाहिलं
की फुलं हसू लागतात
सर्व पक्षी जणू
तुझ्यासाठीच गाणे गातात
तुला हसताना पाहिलं
की तो चंद्र तुझ्या रुपावर जळू लागतो
आणि मी मात्र तुझ्या प्रेमात
चिंब होऊन भिजून जातो.