हात-पाय तोडले पाहिजेत!

तात्या, मी तुमच्या मताशी १००% सहमत आहे.

एकदा अशी जबरी शिक्षा झाल्याशिवाय हे लि॑गपिसाट सरळ होणार नाहीत.
आणि तो, "स्वच्छ पा॑ढर्‍याशुभ्र" कपड्या॑तला सैतान पाहा जरा कसा विकृत आन॑द ओसा॑डून वाहतोय त्याच्या तो॑डावरून.

आखाती देशात असल्या शिक्षा असतात अस॑ ऐकलय. राजा॑नी जशी कोपरापासून हात कलम करायची शिक्षा दिली होती तस॑ करायला हव॑.

नव वर्षाच्या दिनी झालेली घटना अतिशय लाजिरवाणी होती. या वरुन बाहेरील जगताचे मुंबई बद्दल मत अजुन खराब झाले असेल तर त्यात नवल ते काय. २४ तास जागे असलेले शहर असा ज्या नगरीचा आवर्जुन उल्लेख होतो त्या नगरी मध्ये अशी विकृत घटना घडणे या वरुन आणि त्या नंतर झालेले वाद, संवाद, प्रतिक्रिया बघता हि नगरी किती असुरक्षित आहे याची जाणिव होते.
पोलिसांची बघ्याची भुमिका, न्याय संस्थेमधिल त्रुटी, राजकीय हस्तक्षेप या मुळे या विकृत मानसिकतेला खतपाणी घालण्याचे काम चोख बजावले जाते. या साठी सर्वसामान्य जनतेनेच ठोस (क) पावले उचलणे गरजेचे आहे. पण कसे ??? मोठा प्रश्न आहे. कारण सध्या, आरोपीला शिक्षा न होता निरपराधांनाच वेठीस धरले जाते.
आपला,
बहुरंगी मिसळे

अशी लैंगीक हिंसा, लहान मुलांना हिंसक इजा करणार्‍यांना तसेच रंगे हाथ व अत्यंत सबळ पुरावा असलेल्यांना दुसर्‍या दिवशी अशी जाहीर चौकात शिक्षा करायची वेळ हीच आहे.

आजकाल काही भरंवसा उरला नाहीये....उद्या कदाचित हे सगळे त्या वर्तमानपत्राचे घडवून आणलेले स्टिंग म्हणूनही बाहेर येईल.

बरे हे असे फोटोज छापून काय साधले त्यांनी - स्वतःचा खप वाढवला नी त्यासाठी त्या दोन मुलींच्या नी त्यांच्या मित्रांच्या सोशल लाईफ शी खेळलेच ना ते.. नुसते चेहर-या भोवती धुसर करून काही होते का .. जे त्या मुलींना ओळखतात ते सहज ओळखणारच की त्यांना आता किमान सहा महिने तरी त्या मुलींना अशा लोकांच्या कुत्सित नी भोचक नजरांचा सामना करावा लागणार.

मुंबईत अशी घटना घडावी याचे एक मुंबईकर म्हणून लाज वाटते.

दीड कोटींच्या शहरात काही हजार पोलीस सर्वत्र नियंत्रण ठेवू शकणार नाहीत. मला आश्चर्य वाटते ते इतर बघ्यांचे! कुणालाच कसे वाटले नाही की त्या मुलींच्या मदतीला जावे?

त्या वार्ताहरांनी फोटो काढले म्हणून काही जणांना अटक तरी करता आली. ते जर नसते तर?

हात-पाय तोडण्याच्या शिक्षा पाश्चिमात्य देशांत आहेत? तेथे असे प्रकार का होत नाहीत? याचा नीट अभ्यास झाला पाहिजे.

मध्ययुगीन कायदे आणून परिस्थिती बदलणार नाही तर, आहेत त्याच कायद्यांची व्यवस्थित अंमलबजावणी झाली तरी पुष्कळ काही साध्य होईल.

Doing what you like is freedom. Liking what you do is happiness.

ती फक्त विकृती असते.
नैतिकता जशी प्रत्येकाच्या मनात असते, तसेच प्रत्येक सर्वसामान्य माणसाच्या मनात एक पशूही दडलेला असतो.
वेळ, काळ व संधी बघून तो डोकं वर काढत असतो. आपण करतो आहे ते वाईट की चांगलं ते प्रत्येकाला समजतं. मनावर जर बुद्धीचा आणी विवेकाचा ताबा असेल तर वाईट घडण्यापासून आपण स्वतःला वाचवू शकतो. एकवेळ अशिक्षित लोक हे करणार नाहीत पण सुशिक्षित करु शकतात हे आपण पाहतोच आहे. कारण सुशिक्षित आणी सुसंस्कृत ह्यात फार मोठा फरक आहे.

खरंतर त्या वार्ताहरांनाही सौम्य शिक्षा झाली पाहिजे/समज दिलि गेलि पाहिजे असे माझे मत आहे. समोर काहितरी घडतेय ते रोखायचे सोडून फोटो काय काढत बसता? ते नागरीक आधी आणि वार्ताहर नंतर आहेत!
ह्या ऋषिकेशच्या मताशी मी सहमत आहे. तुमची पहिली जबाबदारी काय आहे ह्याचं भान असणं म्हणजे सुसंस्कृतपणा.

मध्ययुगीन शिक्षांनी काम होणार नाही. हात-पाय किती जणांचे तोडणार? तुम्ही स्वतः पोलीस किंवा न्यायव्यवस्थेमधे किंवा मंत्री असलात तर तुम्ही काय करु शकता?
तुम्ही स्वतः त्या घटनेच्या ठिकाणी असता तर तुम्ही काय केले असते - ५०-६० जणांच्या बेभान जमावाला भिडू शकता तुम्ही? त्यात सामील असणार्‍यांचे तुम्ही नातलग असलात तर तुमची प्रतिक्रीया काय असेल?असे अनेक प्रश्न आहेत ज्याची प्रामाणिक उत्तरे पचायला अवघड आहेत.

स्वस्तातला पैसा, चैनबाजी, घरातल्या मोठ्यांच्या वागण्यात असलेली विसंगती, ह्यातून तथाकथित गोष्टींना मिळणारे अवास्तव महत्व असे अनेक कंगोरे ह्याला आहेत. मुलं/मुली एकदम एकाएकी बिघडत नाहीत.
पण ती बिघडत आहेत हे समजायला मोठे जागेवर आणी भानावर असायला हवेत!

अशी एखादी घटना सर्वाना खडबडून जागे करते, त्यावर चर्चा झडते आणी मग थोड्याच दिवसात आपण सारे विसरून जातो.
ह्या घटनेतील आरोपींना शिक्षा व्हायलाच हवी, त्यांच्या पालकांचीही जातीने चौकशी व्हावी, त्यातून कित्येक अवैध कृत्ये वर येतील अशी शंका घ्यायला जागा आहे.
पण त्याचबरोबर आपण आपल्या व आपल्या मुला/मुलींच्या बाबतीत अधिक सजग, अधिक सावध व्हायला हवे तरच असे प्रकार टाळायची आशा आहे.

चतुरंग

अरविन्द
कायद्याची भिती नाही व पोलीस खाते काहीहि करू शकत नाही हा विस्वास त्यामुळे असे प्रकार होतात.जनतेने कायदा हातात घेतला तर पुन्हा ओरड होतेच.
आलिया भोगासी असावे सादर.

वरील सर्वान्च्या मतांशी मी सहमत आहेच परतु सार्वजनिक ठिकाणि आपण स्भ्यतेने वागायला हवे. वरील ठिकाणि दारु पीउन ती जोड्पी रस्त्यावर धिन्गाणा घालत होती, याचा त्या लोकानी गैरफायदा उचलला.
जेव्हा रसत्याने १ माणुस चालतो त्याला डोके असते पण त्याचे कळपात रुपान्तर झाले कि त्याला डोके उरत नाही , तो वाहवत जातो.
आपण जमावा मध्ये असल्यावर स्वताला सेफ समजतो आणी वरिल घटना, दंगली घड्तात.

मागे मराठा मन्दिर सिनेमा समोर भर् दिवसा १ बाईला जिवन्त जाळ्ले कोणीहि वाचवायला पुढे आले नाहि.. का ?

मुंबईत जो तो घाईत असतो, चालती गाडी पकडायाला धावतो पण कोपरयात जरा गर्दी दिसली कि २ मि. थांबुन वाकुन बघतो, कारण त्याला तमाश्यात इंटरेस्ट असतो.
आता ज्याने त्याने आत्मचिंतन करणे मह्त्वाचे, पुढील काळ अत्यंत कठीण आहे.
कालाय तसम्ये नमः

जो काही प्रकार झाला तो खरच नींदनीय आहे,मागील वष्री पण अशीच घटना घडली होती,
त्याचा काय निकाल लागला देवाला महित! अशा विकृत लोकांना ताबडतोब शिक्षा झाली पाहिजे,
बरेच लोक अशी घटना झाली कि मुलींना दोष देवुन अशा पाषवी लोकांचे सर्मथन
करतानाच दिसतात्,टी.व्ही वरील एक प्रतीक्रीया तशीच होती.मन खिन्न होवुन जाते असे ऐकुन
बाजुला असनारया कुणालाच कसे वाटले नाही की त्या मुलींच्या मदतीला जावे?
अशा घटना संस्काराच्या कमीची जाणीव करुन देतात..अशा गुन्ह्यासाठी कडक शिक्षा व्हायला हवी
एक मुलगी म्हनुन देवाजवळ हीच प्रार्थना की कोनत्याही मुलीच्या आयुष्यात अशी दुर्दैवी घटना घडु नये!

ह्या मुलींच्या कपड्यांकडे कुणाचं लक्ष गेलं नाही. एकीचा स्कर्ट गुड्घ्यावर तर दुसरीची जीन्स तितकीच टाईट...मुलगी म्हणून हेही वाटतं की मुलींनीही नीट राहीलं तर हे प्रकार कमी होणार नाहीत का?

जरा खालील प्रश्नांची उत्तरे द्या -

१. मध्यंतरी बातमी होती की राष्ट्रपतींच्या गावी महिलेवर बलात्कार! ती बाई कोणतेही तथाकथित छचोर कपडे घालणारी नव्हती. तेव्हा या घटनेसमर्थ काही विधाने आहेत काय?

२. घर उघडं टाकलं तर चोरी होते पण बाई म्हणजे उघड घर आहे जे बोंबलू शकत नाही ? आणि समोरची स्त्री जेव्हा नको सांगते किंवा रडते तेव्हा ही तिला त्रास देऊन वर कारणे
शोधणार्‍यांना काय म्हणावं?

३. या मुलींनी कमी कपडे घातले नसते तर त्यांना अशा प्रसंगाला तोंड द्यावे लागलेच नसते याची गॅरंटी देता काय? देत नसल्यास त्या मुलींनी असे कपडे घातले म्हणून त्यांना अशा प्रसंगाला तोंड द्यावे लागले असे कसे म्हणता?

४. उद्या पुरूष आखूड चड्डी घालून बाहेर पडला, (निदान भारतात) म्हणून २-४ स्त्रियांनी मिळून त्याला नको त्या ठीकाणी हात लावल्याचे दृष्य सर्रास दिसते काय? मग पुरुषांना लायसन्स कोणी दिलं?

हिन्दी मासिक हन्स २००० जानेवारी चा अन्क जरूर वाचावा. खूप अभ्यासपूण ले़ख आहेत. विनन्ती

अशा घटनेला जवाबदार कोण ? या पेक्षा अशा विकृत लोकांना दहशत बसण्यासाठी सार्वजनिक ठिकाणी नागडे करुन त्यासाठी जी ही विकृती सुचलेली असते तितका भाग चिंध्यांनी गुंडाळून पेटवून दिला पाहिजे किंवा लोहाराच्या भट्टीत लाल झालेल्या लोखंडी सळईने डागण्या दिल्या पाहिजे असे वाटते.

"स्वच्छ पा॑ढर्‍याशुभ्र" कपड्या॑तला सैतानाच्या आनंदाला पाहून भडकलेला.
प्रा.डॉ.दिलीप बिरुटे

महाभारतातला द्रौपदी वस्त्राहरणाचा प्रसंग आठवा. त्यातील प्रसंगाच्या छटा, त्याचे विविध अन्वयार्थ, त्यातील सुसंगती, अर्थात विसंगती ही . द्रौपदीने भिष्माचार्य, द्रोणाचार्य, कृपाचार्य, विदुर असे अनेक लोकांना याचा जाब विचारला तेव्हा काय झाले.? 'हस्तिनापुरचे भले झाले पाहिजे' हे असहाय उत्तर, वा मुकस्तब्धता. राजसत्तेच्या उन्मादासमोर विद्वत्ता असहाय होते. दुर्योधन, दु:शासनासमोर मयसभेत झालेली फजिती व द्रौपदीने केलेला अपमान या गोष्टीचा बदला हेच डोळ्यासमोर होते. सत्तेपुढे शहाणपण चालत नाही ना! समुह उन्मादासमोर संवेदनाशिलता, मानवता,सजगता, समता,बंधुता वगैरे गोष्टी बोथट होतात. survival is truth. याला कुणी कातडी बचाव असे देखिल म्हणतात. पण ते वास्तव आहे हे नाकारुन चालणार नाही.
थोडक्यात महाभारतापासून या गोष्टी चालत आलेल्या आहेत, आजही चालत आहेत, इथुन पुढेही चालत राहणार आहेत. ( याचे समर्थन होउ शकत नाहि हे सावध वाक्य टाकावेच लागते ) सत व असत प्रवृत्ती चा लढा हा अनादि अनंत आहे.

अवांतर - महाभारत प्रत्यक्ष घडले असेल्/नसेल हा भाग अलहिदा. इतिहास म्हणुन नव्हे पण हा कादंबरिचा विषय म्हणुन तरी मराठी लेखकांनी जिवंत ठेवला. 'हा जय नावाचा इतिहास आहे - आनंद साधले ' वाचनीय आहे.
प्रकाश घाटपांडे

तेज, प्राध्यापक, तात्यांशी सहमत.

आज मुलगी व्यवस्थित पंजाबी ड्रेस घालून जरी बाहेर पडली, तरी तिच्याकडे काही सुशिक्षित दिसणारे पुरुष विकृत नजर किंवा काहीवेळेस गलिच्छ comment pass करायला कचरत नाहीत.

त्यावेळेस वाटते की त्यांचे डोळे बाहेर काढावेत.

प्राध्यापकांनी सांगितलेली शिक्षा १००% योग्य आहे.

हा प्रसंग आणि चर्चा तात्याला अर्धा महिना उलटुन गेल्यावर का आठवला ते कळत नाही. वास्तविक घटनेच्या दुसर्‍या दिवशीच उत्स्फुर्त प्रतिक्रिया मिपा वर दिली गेली पाहीजे होती ती कोणीच दिली नाही त्यात मीही आलो. तो पर्यंत आपण झोपा काढत होतो.असे का झाले.
आपला
कॉ.विकि

माझं म्हणण हे नाही की चांगले कपडे घालणार्‍यांवर असा प्रसंग येत नाही. पण मग त्यांचे दुसरे प्रोब्लेम्स असतील. पण ह्या अशा खूप मुली मी रोज गाडीत पाहायची. उगाच कमी कपडे घालायचे, रात्री उशिरा पर्यंत शॉपिंग करायचं, गाडीत मुद्दाम जेन्ट्स डब्याकडे पाहून हा माझ्याकडे बघतोय तो बघतोय म्हणुन टाईमपास करायचा आणि स्टेशन्वर त्या मुलाने थांबवलं तर किती नालायक आहे म्हणून बोंब मारायची. असल्या मुलींना ही मुलं जास्तं त्रास देणार हे उघड नाही का? पायघोळ पंजाबी, दोन खांद्यावरुन घेतलेली नीट ओढणी अशा मुलींवर हा प्रसंग खरच आलेला मी अजुन ऐकला नाही. असेल एखाद वेळि पन ह्या मुलींपेक्षा ऩक्कीच शतपटीने कमी. कारण चांगल्या घरातल्या मुलींना त्रास देताना १० वेळा विचार करतात ही लोक सुद्धा. आता ही विक्रूती सिनेमामुळे वाढ्ते म्हणताना? मग ह्या मुली हिरॉईन सारखे कपडे घालतात आणि हि मुलं स्वतःला हीरो समजतात तर फक्त त्यांचच का चुकलं? मला वाट्टं कुठे कधी भटकावं, कसं रहावं हे जर मुली शिकल्या तर ५०% तरी कमी होतिल हे प्रकार. बाकी काही विक्रुती तर जगाच्या पाठीवर सगळिकडेच आहे. आपल्या मुंबईलाच कशाला बोला?

माझं वाचन कमी आहे हे मान्य पण माझ्या नात्यात किंवा मैत्रीणीत असं कधी झालं नाही आणि रूपारेल मधल्या ३ मुलींचं ह्याच प्रकार मी कॉलेजला असताना झाल्याचं ऐकलं आणि त्या मुली खरच ह्या चित्रातल्या मुलींसारख्याच कपडे घालायच्या. शाळेपासून कितीतरी अभ्यासात लक्ष नसणार्‍या मुलींना गावच्या दादाने हे असले प्रकार केलेले माहीतेयत...मी किवा माझ्या बा़कीच्या मैत्रीणीसुद्धा तिथेच रहायचो पण वेळेत घरी यायचो आणि असं काहीही झालं नाही. मी विक्रुती नाही असं अजिबात म्हणत नाहीये पण आपण नीट राहू शकतो आणि प्रमाण कमी करू शकतो असं सांगतेय...मुलीही बर्‍याच प्रकारांनी ह्या प्रकारांना प्रोत्साहन देणार्‍या असतात कधी कधी असं मला सांगायचंय्....रोज कॉलसेंटर मधल्या मुलींचं बोलंणं ऐकायचे मी तिथे होते तेव्हा गाडीत् वाशी ला जायचे तेव्हा..त्यांच्या बोलण्यात मुलं सोडून काही दुसरा टॉपिक नसायचाच. एका वेळी किती मुलांना फिरवते हे सांगायला त्यांना अभिमान वाटायचा..ह्या मुलांना हे समजल्यावर ते भरकट्ल्यासारखे वागले तर पोलिसात द्यायलाही त्या तयार्....चक्कं खेळ वाटायचा त्यांना सगळा....

या निदर्शने करा. संगणकावर बसून चर्चा करणे सोपे आहे समजले का?
तात्या तर हातपाय तोडायला निघाला आहे . अरे तात्या भारतात लोकशाही आहे ते विसरलास की काय. आरोपींवर अरोप सिद्ध व्हायचा आहे. असे प्रकार काय आजच घडत आहेत काय. त्या पत्रकारांनी केवळ प्रसिद्धीसाठी फोटो खेचलेत असे वाटत आहे . आणि दुसर्‍या दिवशी इलेक्टोनिक्स मिडीयाने नेहमीप्रमाणे या प्रकरणावर हैदोस घातल्याने प्रकरणाला भलतीच प्रसिद्धी मिळाली हे आपणास माहीत असेलच.
त्यामुळे कपडे फाडले काय नाही फाडले काय असे प्रकार पुढे होतच राहणार. यंत्रणा सक्षम झाली पाहीजे.
आपला
कॉ.विकि

अशा प्रसंगात गुन्हेगारांना शिक्षा व्हायची असेल तर कायद्यात योग्य ते बदल होणेदेखील आवश्यक आहे, हे स्पष्ट करणारा एक लेख आजच्या मटात आला आहे. त्याचा दुवा -

दुवा

Doing what you like is freedom. Liking what you do is happiness.

षंढ झाला आहे. एकाहि अपराध्याला कोणी झोडपला नाही. गणपती व नवरात्सोत्सवात धूडगूस घालणे, भगवा खांद्यावर घेऊन दादागिरी करणे, धर्म खतरे मे म्हणून फालतू कारणांसाठी दंगल करणे एवढीच या समाजाची पुरुषार्थाची व्याख्या आहे. सांगलीच्या तरूणीला पेटवणारा तरूण सांगलीतच राजरोस राहात होता. त्याला त्या तरूणीच्या घरच्यांनी देखील धडा शिकवला नाही. त्याचे हातपाय तोडले असते तर तोडणारा कोर्टात नक्कीच सुटला असता. परंतु ती धमकच आपल्या समाजात नाही.