ज़िंदगी एक सफ़र है ...

"आयडे, परवा आपण दोघी रस्ता क्रॉस करताना ते गाणं म्हणत होतीस ना " ज़िंदगी  एक सफ़र है सुहाना".. त्याची दुसरी ओळ सारखी सारखी विसरतेय मी. ए सांग ना मला. "

 

"आणि बाबाला विचारलं तर इतक्या भसाड्या आवाजात म्हणून दाखवेल की मी हसेन आणि तो चिडून माझा गालगुच्चा घेईल, मग मी चिडेन अन् तो हसेल. नकोच ते"

 

" ए आई सांग ना ती ओळ"

 

" आणि आई, ही दिवाळीची पणती दुपारीच का लावून ठेवलीय? गणपतीत कोणी दिवाळी करतं का?"

 

" ए आयडे, काही बोलतच का नायैस तू? .तू आपली सारखी त्या पणती मागच्या फोटोकडेच बघतीयेस."

 

"एवढं कायै त्यात...?"

 

" अगं ...हा फोटो.. तर..

  मा..

..झा?"