नवी मुंबईतले "ट्रेकिंग किंग" मिपाकर्स आणि चांगले ट्रेकिंग ग्रुप्स माहिती आहेत का कोणाला?

शैलेश लांजेकर,

खरडफळ्यावर तुमचं जे वर्णन वाचलं ते मला नीट आठवंत असेल तर मला वाटतं की तुम्ही नियमित व्यायाम ( घरच्याघरी अथवा व्यायामशाळेत ) सुरू करावा. आधीच सुरू केला असेल तर उत्तम.

आ.न.,

-गा.पै.

म्हणजे मला ग्रूपमध्ये जायला आवडत नाही. तो एक शाळेचा वर्ग वाटतो. शिवाय त्यांचे प्लान पक्के असतात...शनिवारी रात्री निघायचं...डोंगराच्या पायथ्याशी मुक्काम टाकायचा आणि रविवारी संध्याकाळी सहा ते नऊपर्यंत घरी यायचं. शाळेतल्या मुलांसाठी सुटी न घेता ट्रेक करवणे हा हेतू असतो. किंवा नोकरी करणाऱ्या महिलाही येऊ शकतात.

मला हा साचेबंद कार्यक्रम घाईगर्दीतला जमत नाही.  सोमवार ते शुक्रवार जातो.एकटेच जायचं.

मग सुरक्षिततेचं काय? तर मुख्य गावात पोहोचायचं आणि गावातला गाईड घ्यायचा बरोबर. एक दोन ट्रेक केल्यावर नवीन ठिकाणी गाईडही लागत नाही. गाववालेच मार्ग सांगतात तसे जायचं.

१. प्रथम माथेरान ट्रेक करावेत. सर्व सुविधा आहेत. पाच वाटा आहेत वर जायला.

२. प्रबळगड ( कलावंतीण बुरुजावर नाही जायचं).

३. पेठचा किल्ला.

४. हाजी मलंगगड.

१. माथेरानला पनोरमा पॉइंट ट्रेक......

हा अगदी सुरुवात करणाऱ्यांसाठी आहे. म्हणजे आपण खालून सहाशे मिटर्स चढून न जाता फक्त वरतीच रस्त्याने पनोरमा पॉईंटला जाऊन येणे. ( यासाठी प्रवेश शुल्क लागत नाही. मागच्या दस्तूरीनाका कार पार्किंगमधूनच रस्ता जातो. ४५ मिनिटे चालावे लागते. जाऊन येऊन पाच किमी.

२. माथेरानमध्ये प्रवेश घेऊन छोटा चौक पॉइंटपर्यंत जाऊन येणे. पंधरा किमी होतात.

३. याच पद्धतीने शार्लोट लैक ते लुइझा पॉइंट आणि परत पंधरा किमि होतात.

४. खालून वर जाण्याचे ट्रेक आहेत त्यात ...

    ४अ. पनवेल डेपोतून नवीन पनवेल मार्गे धोधाणी बस जाते. धोधाणी गावाच्या वरतीच माथेरानच सनसेट पऑइंट आहे. सरळ एक वाट आहे. चढून वर गेल्यावर तिथून बाजार स्टेशन आणि दस्तूरी मार्गे टॅक्सीने खाली येणे.

  ४ ब. कर्जत स्टेशन. ते बोरगाव फाटा बस किंवा शेअर टॅक्सीने फाट्याला उतरणे. फाट्यावरून चालत किंवा शेअर टॅक्सीने नदीपुलापाशी उतरणे. येथून एका टपरीजवळून वाट वरती रामबाग पॉइंटला जाते. 

४क. कर्जत ...बोरगाव फाटा...नदी पुल...पुढे ताडवाडीला उतरणे. ( साडे आठची बस बंद झाली बहुतेक. )शेअर टॅक्सीने जावे लागेल. ताडवाडी गावाच्या विहिरीजवळून एक वाट वर चढत जाते ती थेट वन ट्री हिल पॉइंटला जाते.

४ब आणि ४क चा बोरगाव फाटा हा पनवेल चौक_ कर्जत रस्त्यावर आहे.

५. कर्जत ट्रेनने भिवपुरी रोड स्टेशनला उतरणे. चालत भुतिवली धरणाकडे जाणे. धरणाला अर्धा वळसा घातल्यावर वरच्या ठाकुरवाठीमार्गे गार्बटवाडी/ गार्बट पॉइंटमार्गे माथेरानमध्ये जाता येतं. बराच लांबचा मार्ग आहे. पाऊस कमी झाल्यावर जाणे.

६. नेरळ स्टेशनहून टपाल वाडीत चालत जाणे. तिथून प्राथमिक शाळेजवळून वरती जुमापट्टीला जाता येतं. त्यागावातून एक शॉर्टकट चढ चढून वाटरपाईप स्टेशनजवळून नंतर वरती रस्त्यावर येऊन दस्तूरीला पोहोचता येतं.

_____________________

कर्नाळा किल्ला

नेहमीच्या पनवेल- पेण रस्त्यावरच्या गेटने न जाता कोकण रेल्वेच्या रसायनी स्टेशनला उतरणे. ( पनवेल..सोमाटणे... रसायनी...आपटा...) रसायनी स्टेशनला रेल्वे क्रासिंगला उजवीकडच्या उद्योगनगर वसाहतीतून एक वाट ठाकरवाडीतून वरती कर्नाळ्याच्या मुख्य वाटेला मिळते. ( इकडे प्रवेश शुल्क लागत नाही).

आपटा स्टेशनहूनसुद्धा जरा आडवळणाने कर्नाळा जाता येते पण रसायनी ची वाट उत्तम.

______________

एका दिवसात सहज होतात.

@शैलेश, खरडवही पाहा.