मिपा वाचकापैकी काही टीकाकारानो, माझ्यावर तुम्ही---

तुमचा हाच एकमेव लेख पुढे पुढे स्क्रोल न करता संपूर्ण वाचला.

हायला मी पण टीका केली होती. माझ नाव का नाही लेखात?? :(

आजोबा एवढा वेळ तुमचा वयाचा मान म्हणून मी जास्त लिहिल नव्हत. पण तुमचे लेख अतिशय रताळवाणे आहेत. तुम्हाला मधमाशीच्या प्रेताला पाहून काय वाटले किंवा प्रोफेसर देसाईंच्या७४ व्या वाढदिवशी काय झाले ह्याच मला, मीपाकर, मिपामालक ह्याना काहीही कौतुक नाही. उगाच रटाळपणा करुन बोर मारण्यापेक्षा काहीतरी दर्जेदार लिहिता आलं तर पहा.

भिती, जळफळाट,अवहेलना, दादागिरी, फोंडसावती,(मालवणी शब्द),
मला कमी लेखणं, माझ्या वयाचा अनादर करणं वगैरे, वगैरे असतं.

वड्याचे तेल वांग्यावर. समाजमाध्यमांचा सुळसुळाट असल्याने कोणावरही कसाही राग काढता येतो. कुणाला मोदी परत पंतप्रधान झाले तर काय ? ह्याभीतीने ग्रासले आहे. तर कुणी मोदीच परत पाहिजेत म्हणून देव पाण्यात घालुन बसले आहेत. कुणाचे प्रमोशन होत नाही आहे तर कुणाला 'जॉब चेंज' करता येत नाही आहे. कुणाला 'हे ए.आय. आता शिकावेच लागणार' म्हणून डोक्याला वात आला आहे. अशा परिस्थितीत 'रम्य आठवणी' वाचल्यावर 'ह्यांचे बरे चाललय' हा विचार मनात आल्याने तो राग निघतोय.
४ जून पर्यंत थांबा. मग लेख येऊ द्यात.

अच्चं जालं का?

बंलं, आपण नं त्या दुत्त मिपाकलांचं घल उनात बान्दू.

---
स्वाक्षरी: कांदा-लिंबू नसेल तर मिसळपावला चव नाही.

तुमचं लिखाण काही नीट लक्ष देऊन वाचले नाही मी पण तुमच्यावर अशी वयक्तिक टिका आणि कुचाळक्या काही लोक करीत आहेत ते योग्य नव्हे

अतीशय धक्कादायक. याचाच अर्थ काही लोचा आहे. म्हणजे, रागा आणी नमो स्संस्नेहसंमेलना त स्वागत गीत गात आहेत असे दृश्य समोर आले.......

आपण २०१९ नंतर मिपावर दिसला नाहीत आणी अचानक एकदम दिवसातून चार चार धागे डकवून एक प्रकारे मिपावर साहित्य विक्रम केलात. एक मे ते सहा मे पर्यंत आपण तब्बल सव्वीस धागे डकवले. माझ्या सारख्याला " सर मुंडाते ही ओले पडे ", असे वाटले.

आपण जातीवाचक कवीता लिहीलीत, ते ही या वयात मनाला पटले नाही.

बाकी आपण पाडलेल्या साहित्यामधे गुणवत्ता आहे किंवा नाही हे माझ्या अकलन शक्तीच्या बाहेर आहे.

मी शिपाई गडी,हल्ली बंदूक नाही पण कलम चालवतो पण अंदाज(इश्टाईल) तीच आहे.

बाकी आपले वय अनुभव एव्हढा आहे की त्यावर मी काय बोलावे.

तुकोबाराय म्हणून गेले,

तासावा शब्द, घासावा शब्द
तोलावा शब्द बोलताना (तसेच लिहीताना)

मी बेतुक्या महाराजांचे वचनाचे तंतोतंत पालन करतो.

बाकी आपल्या वयाचा मान राखून दिलेल्या प्रतिसादाबद्दल आपण काहीच उल्लेख केला नाहीत या बद्दल वाईट वाटले.

बाकी आपल्या उत्साहाची दाद दिली पाहीजे.

काही धागे पूर्वी पण मिपावरच प्रकाशित झालेले आहेत. बाकी चालू द्या. दर्जा वगैरे प्रश्नच नाही इथे. अतिरिक्त प्रमाणात नवीन धागे टाकत राहिले की इतरांचे बाकी धागे वेगाने खाली जातात, मागे पडतात आणि त्यांची वाचने अथवा प्रतिसाद यांवर विपरीत परिणाम होतो. हे एक घडते आणि दुसरे म्हणजे अति परिचयात अवज्ञा. यात रोजच्या रोज आणि कधी कधी तर तीन चार तासांनी एक नवीन धागा येऊ लागला तर नावीन्य किंवा उत्सुकता जाऊन लेखकाबद्दल लोकांच्यात थोडे रिपलशन येऊ शकते. तो हवाहवासा राहत नाही.

अर्थात मीही सुरुवातीच्या काळात दणादण धागे टाकले आणि लोकांनी इशारे दिल्यावर असेच दुखावले जाऊन रिॲक्ट केले. शेवटी योग्य ब्यालन्स कोणता हे कळायला वेळ लागतो हेच खरे.

जाऊ द्या !! आपण टिकाकारांचे घर उन्हात बांधू!!