सूचना

वारंवार सूचना देऊनही काही सदस्य वैयक्तिक आणि खालच्या पातळीवरील प्रतिसाद देत आहेत. असे आढळल्यास विना सूचना कडक कारवाई करण्यात येईल.

कॉमेंट्सचे वार्षिक कॅलेंडर

Primary tabs

निनाद's picture
निनाद in जनातलं, मनातलं
9 May 2022 - 10:59 am

कॉमेंट्सचे वार्षिक कॅलेंडर सादर करत आहे.

१५ एप्रिल ते १५ मे - काय हा भयानक उन्हाळा आहे, असा उन्हाळा आधी कधीच नव्हता! सगळेच ऋतू बदलत चालले आहेत!

३० जून च्या आसपास - पहिला पाऊस झाला आणि नंतर गुल झाला पाऊस! सगळेच ऋतू बदलत चालले आहेत!

३० जुलै - फार जास्त पाऊस झाला हो, थांबायचे नाव नाही.

३० जुलै - खांदेश-मराठवाडा-विदर्भ - पाऊस न्हयी शे औंदा! येक्दाच पल्डा मंग पाऊस गेला. आता टँकरच बोलवा लागते. सगळेच ऋतू बदलत चालले आहेत!

३० सप्टेंबर - पाऊस जास्तीच झाला थांबायचे नाव नाही! सगळेच ऋतू बदलत चालले आहेत!

ऑक्टोबर - काय भयानक ऊन आहे हे. उन्हाळा बरा असे म्हणायचे वेळ आली. सगळेच ऋतू बदलत चालले आहेत!

डिसेंबर सुरुवात - काय भयानक थंडी आहे! अशी थंडी आधी कधीच नव्हती! सगळेच ऋतू बदलत चालले आहेत!

डिसेंबर शेवट - पाऊस? अरे हे काय पावसाचे दिवस आहेत? आता नवीन ऋतु हिवसाळा वगैरे. सगळेच ऋतू बदलत चालले आहेत!

जानेवारी - काय दाट धुके होते हो? असे धुके कधीच नाही पाहिले. सगळेच ऋतू बदलत चालले आहेत!

मार्च - काय ऊन पडले आहे भयंकर! असे ऊन इतक्या लवकर कधीच नाही पाहिले. सगळेच ऋतू बदलत चालले आहेत!

१५ एप्रिल ते १५ मे - काय हा भयानक उन्हाळा आहे, असा उन्हाळा आधी कधीच नव्हता! सगळेच ऋतू बदलत चालले आहेत!

घाला भर!

समाजप्रकटन

प्रतिक्रिया

कुमार१'s picture

9 May 2022 - 11:02 am | कुमार१

वर्षभरात कधीही आणि कायमच :

हल्लीच्या पिढीचं काय खरं नाही हो! आमच्या वेळेला असं नव्हतं........

कुमार१'s picture

9 May 2022 - 11:04 am | कुमार१

वर्षभरात कधीही आणि कायमच :

हल्लीच्या पिढीचं काय खरं नाही हो! आमच्या वेळेला असं नव्हतं........

या वाक्याचे पुरावे इसवी सन 1000 पासून मिळाल्याच्या नोंदी आहेत असे मागे एका लेखात वाचले होते.

निनाद's picture

9 May 2022 - 11:08 am | निनाद

नोव्हेंबर - थंडीच नाही हो यंदा! आमच्या वेळी दिवाळीत अशी थंडी पडायची की विचारू नका. सगळेच ऋतू बदलत चालले आहेत!

वर्षभरात कधीही आणि कायमच :
मिसळ्पाववर आता आधीसारखे दर्जेदार वाचायलाच नसते, केवळ वादविवाद!! आधी असे नव्हते

कर्नलतपस्वी's picture

9 May 2022 - 5:10 pm | कर्नलतपस्वी

एक चारोळी,

पुण्यात पिकणार भात
अन कोकणात पिकणार गहू
कधी येईल, किती येईल
पावसाचा नेम नाय रे भौ

अमरेंद्र बाहुबली's picture

9 May 2022 - 6:18 pm | अमरेंद्र बाहुबली

भारी, लहाणपनापासून हेच ऐकतोय. आणखी एक बारमाही कमेंट, “दुष्काळ आहे, धंदे नाहीत.”

कंजूस's picture

9 May 2022 - 8:12 pm | कंजूस

डिसैंबरात पाऊस झाला. मावा पडला मोहरावर. जळाला.

या वेळचे सीएचे पेपर्स कठीण होते.

पूर्वीचे मिपा राहिले नाही.

मित्रहो's picture

12 May 2022 - 11:09 am | मित्रहो

मस्त आहे आवडले

८ जून कवाच गेली, मिरग संपतबी आला पण पावसाचा पत्ता नाय, सारे नक्षत्र बदलले.
आबे दिवाळीच्या तोंडावर पाऊस येऊन रायला ना, . हा काय बरसादीचा टाइम हाय. काहीबी होते आजकाल
आधी उन्हाऱ्यात लग्न होत नव्हती का. हे उन व्हय का व्हय, आजकाल काही खर नाही भाऊ

चौथा कोनाडा's picture

13 May 2022 - 5:54 pm | चौथा कोनाडा

लोक काहीही धागे पाडतात.

😆

पूर्वीचे मिपा राहिले नाही.
आमच्या वेळेला असं नव्हतं.......


+१


मस्त खुसखुशीत लेखन आवडलं !

जेपी's picture

13 May 2022 - 6:10 pm | जेपी

समंद हायब्रीड हाय आताची पिढी.