पॉझिटिव्ह - निगेटिव्ह
पॉझिटिव्ह निगेटिव्हचा खेळ,
जणु फुली अन् गोळा,
सर्वांच्याच स्वप्नांचा,
करतोय चोळामोळा...
कोणीही आता कोणाकडे,
जराही नाही फिरकत,
प्रत्येकाच्या मनात लपलीय,
मृत्यूची मोठी दहशत...
पशुपक्ष्यांची भरते शाळा,
ते करती सारे मजा,
बंदिवान झालीत माणसं,
भोगतात घरी सजा...
कधी सारं संपेल,
घेईन मोकळा श्वास,
मानवाच्या अंतरीची,
ही एकच आस...
ह्या नियतीची क्रूर परीक्षा,
पुरे झाली आता,
देवा लवकर धाव घे,
तूच आमचा त्राता.....!!
जयगंधा..
१७-५-२०२१.