Skip to main content

पहिली रात (धुवांधार द्वंद्व)

लेखक केशवटुकार यांनी रविवार, 16/11/2008 या दिवशी प्रकाशित केले.
देवद्वार छंदात कविता करणार्‍या कवींची लाट पाहुन केशवटुकाराला जाग आली अन त्याला आठवली त्याच्या प्रातःस्मरणीय सदगुरु केशवसुमारांनी दिलेली धुवांधार द्वंद्वाची दिक्षा. अन उत्स्फुर्त द्वंद्व झाले ते रामजींच्या या सुरेख कवितेबरोबर : पहिली रात (देवद्वार) छंद कवितांची | झुल पांघरली | कवींची टोळी | आली सखे || मंद त्या बेण्यांची | लावतो मी वाट | बस तु मुकाट | कवियत्री || केश्याचा टुकार | आता बहकेल | कविता फाडेल | वैतागुन || लाट ही सरेल | छळ ही थांबेल | मन सुखावेल | मिपावरी || - आपलाच (सर्वसामान्यांसाठी धाउन आलेला) केशवटुकार
लेखनविषय:
वाचने 4458
प्रतिक्रिया 16

प्रतिक्रिया

विजुभाऊ रविवार, 16/11/2008
(सर्वसामान्यांसाठी धाउन आलेला) हळु धावरे भौ.....दम लागेल. दम लागण्यापेक्षा अंगात दम असलेला चांगला. बाकी काय म्हण....कविता दमदार आहे झोंबणार्‍या थंडीने तुम्ही गारठले जात नाही याचे आश्चर्य बाळगु नका. अशा थंडीतही तुम्हा उब देणारी कोणतीतरी आठवण तुम्ही जवळ बाळगताय. त्या आठवणीला लाख सलाम

३_१४ विक्षिप्त अदिती रविवार, 16/11/2008
अरे सह्ही ना भिडू! लाट ही सरेल | छळ ही थांबेल | मन सुखावेल | मिपावरी || आमेन! ;-) आपलाच हे कधीपासून? (सर्वसामान्यांसाठी धाउन आलेला) व्यायामाचं भलतंच मनावर घेतलेलं दिसतंय. (गद्य आणि रटाळ) अदिती फक्त एक चूक, शुद्धलेखनाची! ;-) कवयित्री हा मूळ शब्द आहे कवियत्री नव्हे! (शुद्ध) अदिती

आनंदयात्री सोमवार, 17/11/2008
>>फक्त एक चूक, शुद्धलेखनाची! कवयित्री हा मूळ शब्द आहे कवियत्री नव्हे! अहो सुदलेखनाला मारा फाट्यावर !!

मनीषा रविवार, 16/11/2008
कल्पनांची जया वानवा हो भारी तो उसनवारी करितसे | विडंबने अशी सोसवेना भार जाच होई फार जाण तुच | सर्वसामान्य (परंतु छंदबद्ध कविताप्रेमी) मनीषा

केशवटुकार सोमवार, 17/11/2008
कल्पनांची मारे वाजवुन टिमकी रुच्ची ला गच्ची जोडितसे | कवितांचा मार भावनाही भरमार सोसवेना भार जाण तुच | (अतिसामान्य) केशवटुकार

मनीषा सोमवार, 17/11/2008
विडंबन कवी बिचारा बहुत बसला धुंडीत कच्चा माल | ऐकूनी टिमकी धाव घेई त्वरे लेखणी सावरे आशाळभूत | (टीप : - कृपया विडंबन कवींनी ह. घ्या , विडंबन ही सुद्धा एक कलाच आहे जी सहजसाध्य नाही हे मान्य )

आनंदयात्री सोमवार, 17/11/2008
हाण .. हाण !! बेलाची कमतरता भरुन काढलीस !! =))

आनंदयात्री सोमवार, 17/11/2008
जमल्यास ?? अहो कर्णाच्या प्रतिभेवर शंका ?? दाखव रे कर्णा २-३ काव्य पाडून !!

आजानुकर्ण सोमवार, 17/11/2008
केटु, बघ दोन विडंबने पाडली. सापडला मला माल बघा कच्चा आहे भारी लुच्चा विडंबक धाव घेई त्वरे ऐकोनी टिमकी बाई ती खमकी लगाबगा आपला (खमका) आजानुकर्ण

आनंदयात्री मंगळवार, 18/11/2008
_/\_ जियो शेठ ... जियो !! मानलं आपण तुम्हाला !! >>आहे भारी लुच्चा >>विडंबक =)) >>धाव घेई त्वरे >>ऐकोनी टिमकी अगायायाया ....... =)) =)) अहो तरीही तुम्ही विडंबक लोक म्हणजे परप्रकाशितच !! अहो काव्य बिव्य पाडायला लै प्रतिभा वैगेरे लागते .. काय खायच्या गप्पा आहेत का ? - आपलाच (लुच्चा) आंद्याकर्ण

सर्किट (verified= न पडताळणी केलेला) मंगळवार, 18/11/2008
अहो तरीही तुम्ही विडंबक लोक म्हणजे परप्रकाशितच !! अहो काव्य बिव्य पाडायला लै प्रतिभा वैगेरे लागते .. काय खायच्या गप्पा आहेत का ? व्व्वाआ ! काय बोललात !!! मस्त !! अहो, स्वप्रकाशित लिखाण करायला आपण काय भाईकाकांचे विद्यार्थी आहोत ? -- (परप्रकाशित) सर्किट (जालकवींच्या कविता:http://www.misalpav.com/node/2901)

विसोबा खेचर सोमवार, 17/11/2008
मस्त कविता..! :) 'कवींची टोळी' हा शब्द तर क्लासच.. :) तात्या.

चतुरंग सोमवार, 17/11/2008
एकदम छंदोबद्ध विडंबन! कविंची टोळी आवडली!! :) (म्हणजे छांदिष्ट विडंबन छान वाटतं हे सिद्ध केलंस तर गड्या! ;) ) चतुरंग

लिखाळ सोमवार, 17/11/2008
कवींची टोळी आणि धुवांधार द्वंद्व आवडले :) -- लिखाळ.