गझल : पुन्हा एकदा...

B — bhagwatblog, Tue, 06/18/2019 - 15:15

मा‍झ्याच स्वप्नांना लावला मी सुरूंग संकल्प सोडला अर्धवट पुन्हा एकदा शर्थीचे प्रयत्न सत्यात आले नाहीत निश्चयाचे संपले बळ पुन्हा एकदा स्वप्नांची लचके तोडली मी स्वत: पराभवाने दिली मात पुन्हा एकदा कष्टाची घागर भरली पुन्हा संपूर्ण अपयशाचे भरले रांजण पुन्हा एकदा प्रयत्नाचा डोंगर उभारला मी स्वत:च नियतीनेच दिला घाव पुन्हा एकदा सुखांना जिंकण्याचा भास मला झाला दु:खाने केले गर्वहरण पुन्हा एकदा काळेकुट्ट ढग अन दाटलेल आभाळ संकल्पाचा सोडला बाण पुन्हा एकदा

5653 वाचन

💬 प्रतिसाद (9)

छान !

चौथा कोनाडा

Mon, 06/24/2019 - 22:58 नवीन

छान ! स्वप्नांची लचके तोडली मी स्वत: ऐवजी स्वप्नांचे लचके तोडले मी स्वत: असं चालणार नाही का ?

धन्यवाद

bhagwatblog

Tue, 06/25/2019 - 12:07 नवीन

"स्वप्न" शब्दाचे अनेकवचनी लिहायचे होते त्यामुळे "स्वप्नांची लचके तोडली मी स्वत:" असे लिहिले आहे. प्रतिसादा साठी धन्यवाद!!!

↩ प्रतिसाद: चौथा कोनाडा

"स्वप्नांची लचके" असे

चौथा कोनाडा

Tue, 06/25/2019 - 16:24 नवीन

"स्वप्नांची लचके" असे बोलण्यात / ऐकण्यात / वाचण्यात आले नव्हते आता पर्यन्त. उच्चार देखिल गैरसोयीचा आणि विचित्र वाटतो आहे. आपण नविन शब्द प्रयोग निर्माण करत असाल तर हार्दिक शुभेच्छा ! (आज काल मराठीची काळजी वाटते )

↩ प्रतिसाद: bhagwatblog

असो

अभ्या..

गुरुवार, 06/27/2019 - 12:31 नवीन

(आज काल मराठीची काळजी वाटते )

नुसती मराठीचीच नाही तर त्यातील घासून गुळगुळीत झालेले कंटेंट, चुकीचे सादरीकरण, त्यातील चुका दाखवल्यावरही मान्य न करता मीच सांगतोय ते बरोबर, नाहीतर द्या तुम्हीच उदाहरण अशा नवलेखकी वृत्तीची जास्त काळजी वाटतेय. ते ही एक असोच म्हणा.

↩ प्रतिसाद: चौथा कोनाडा