टोळीगीत इ.स. २०५०?

अनन्त्_यात्री's picture
अनन्त्_यात्री in जे न देखे रवी...
29 Jan 2019 - 7:00 pm

तुमच्या पिढ्यांच्या
अक्षम्य चुकांचे
पातक अम्हाला
रोज भोगायचे
रोज बघायचे
भेसूर रुपडे
भकास पृथ्वीचे
अभद्र कार्बनी
पाऊल ठशांचे
विटल्या फाटल्या
ओझोन थराचे
गटारगंगांचे
विखारी धुराचे
अवकाळी वृष्टीचे
जखमी सृृृष्टीचे
सिमेंटी जंगलांचे
भेगाळ भूमीचे
मरणपंथाच्या
हरितवनांचे

थांबा थांबा ऐका
चीत्कार कुणाचे?
पाण्याचा टँकर
पळवून आणल्या
मरणासन्नांच्या
आमच्या टोळीचे!

मुक्त कवितामुक्तकसमाज

प्रतिक्रिया

प्रसाद गोडबोले's picture

30 Jan 2019 - 2:02 pm | प्रसाद गोडबोले

भारी कच्चा माल !

चोळीगीत इ.स. ३६३८ ? असे विडंबन येऊ शकते !

वि.सु. : लेखन किंव्वा आयडी उडवल्या गेल्यास आमची जबाबदारी नाही !

चोळीगीत तयार करून मिळेल पण ----- ?

टवाळ कार्टा's picture

31 Jan 2019 - 1:43 am | टवाळ कार्टा

यदाकदाचित बनवलेच तर अम्हाला व्यणीतून पाठवा

ज्ञानोबाचे पैजार's picture

31 Jan 2019 - 10:09 am | ज्ञानोबाचे पैजार

चोळी ने आयडी उडणार असेल तर चोळी ऐवजी मोळी वापरा
हा का ना का
पैजारबुवा,

दोन्ही सूचना मान्य आहेत . बघू कसं होतंय ते ..