अज्ञाताचा गड चढताना

अनन्त्_यात्री's picture
अनन्त्_यात्री in जे न देखे रवी...
19 Aug 2018 - 7:04 pm

अज्ञाताचा गड चढताना अशी पायरी आली
तर्कबुध्दी थकुनिया त्यावरी विश्रांतिस्तव बसली
उठून गड बेलाग लांघण्या कंबर कसुनी उठली
निरीक्षणाची, निष्कर्षाची वाट पकडुनी चढली

जिथे संपली वाट त्या तिथे काहीतरी लखलखले
त्या तेजातच अज्ञाताचे नवेच दर्शन घडले

माझी कवितामुक्तक

प्रतिक्रिया

चांदणे संदीप's picture

19 Aug 2018 - 11:57 pm | चांदणे संदीप

चांगली कविता.... आवडलीच! :)

हा माझा निराळा दृष्टीकोन:
कवितेचा गड लढताना अशी हुशारी आली
विवेकबुद्धी जिंकुनिया तेथ आधारास्तव बसली

जागून भवसागर तरण्या सजग सज्ज झाली
माणुसकीची, आपुलकीची कास धरून चालली

जिथे हरवली वाट तमात तिथेही लख्ख झगमगले
त्या दीपोत्सवात ज्ञानकणाचे मोती मला मिळाले

धन्यवाद!

Sandy

अनन्त्_यात्री's picture

22 Aug 2018 - 7:59 pm | अनन्त्_यात्री

धन्यवाद!

सोत्रि's picture

10 Nov 2019 - 11:13 am | सोत्रि

जिथे संपली वाट त्या तिथे काहीतरी लखलखले
त्या तेजातच अज्ञाताचे नवेच दर्शन घडले

_/\_ _/\_ _/\_

- (नतमस्तक) सोकाजी

श्वेता२४'s picture

11 Nov 2019 - 1:43 pm | श्वेता२४

शेवट आवडला