मला पाऊस आवडतो,
मला पाऊस आवडत नाही...
मी शांत आहे, संयमी आहे...
पण तो अंत बघतो माझा...
वाट बघायला लावतो...
आला नाही तो की बिथरत जाते मी..
माझ्याही नकळत..
अवचित येतो मग तो.. कोसळतो...
मी भानावर येईतो
कोसळून झालेलं असतं त्याचं...
निथळत राहतो मग तो, पागोळ्यांमधून..
आर्त बघतो...
मी तुटून जाते... हरवते धुक्यात..
आणि तो पुन्हा बरसतो, चिंब भिजवतो, कुशीत घेतो अलगद..
मी विरघळत राहते..
संयमाचं बोट सुटलेलं...
प्रतिक्रिया
27 Jul 2017 - 2:27 am | पद्मावति
कविता आवडली.
30 Jul 2017 - 10:36 am | प्रा.डॉ.दिलीप बिरुटे
लिहीत राहा. पुलेशु.
-दिलीप बिरुटे
30 Jul 2017 - 10:53 am | यशोधरा
सुरेख!