मुंबईत खादाडीसाठी-खरेदीसाठी कुठे काय?

कबीरा's picture
कबीरा in काथ्याकूट
2 Aug 2016 - 1:10 pm
गाभा: 

बरेच दिवस झाले मुंबई दर्शन झाले नाही, आधी फक्त मुंबई वारी कामासाठी व्हायची. पण आता मुद्दामहून एक-दोन दिवस काढून मुंबई अनुभवायची असा विचार आहे.
"मनसोक्त हादडायची ठिकाणे कुठली?" - एक पुणेकर खवय्या. (दादर मधले गोमंतक बद्दल ऐकून आहे), पण अजून जाण्याचा योग आला नाही.
आणि सपत्नीक जात आहे त्यामुळे खरेदी करण हे ओघानी आलंच.
तर मिपाकरांनो कुठले पर्याय सुचवाल?

प्रतिक्रिया

कपिलमुनी's picture

2 Aug 2016 - 1:33 pm | कपिलमुनी

गोमंतक भारी आहे . प्रवासाचा साधन काय असणार आहे ?

अवांतर : पावसात मुंबईमधे फिरायचा खूळ कुठुन आलाय?

मुनीम, आज कुछ तुफानी करते हे.

माम्लेदारचा पन्खा's picture

2 Aug 2016 - 10:22 pm | माम्लेदारचा पन्खा

बाबूराव से बाबू....भाडा डबल करना पडेगा रे बाबा !!

टवाळ कार्टा's picture

2 Aug 2016 - 2:45 pm | टवाळ कार्टा

पावसात मुंबईमधे फिरायचा खूळ कुठुन आलाय?

हाय तुम्ने पिईच नै

सचिन कुलकर्णी's picture

2 Aug 2016 - 1:44 pm | सचिन कुलकर्णी

मुंबईतला पाऊस पुण्यासारख्या रिपरिप नसून खरोखरचा मुसळधार असतो. ;) (पळा आता)
त्यामुळे सध्या येण्याचे टाळा.

कैलासवासी सोन्याबापु's picture

2 Aug 2016 - 1:48 pm | कैलासवासी सोन्याबापु

गाववाले ह्या वर्षी आपल्या गावाच्या जीवाची मुंबई झाली म्हणतेत बुआ !!! गांधीग्राम चे शिवलिंग डुबले पाण्याआंद्रे पूल कट झाल्ता 2 दिवस आकोट ले जायले काहीच नोते

सचिन कुलकर्णी's picture

2 Aug 2016 - 2:38 pm | सचिन कुलकर्णी

काळजी घ्या.

संदीप डांगे's picture

2 Aug 2016 - 2:52 pm | संदीप डांगे

बापा बापा!! वाघोली डुबली काय?? पुर्नाचं असं तं मंग मोर्नेचं काय झालं असंन..??

सचु कुळकर्णी's picture

3 Aug 2016 - 1:05 am | सचु कुळकर्णी

Ama miya Bapu hum idhar hai yaar :).

महासंग्राम's picture

3 Aug 2016 - 9:56 am | महासंग्राम

बाप्पू काय सांगता कै डुबला गांधीग्राम पाण्याखाली

वेल्लाभट's picture

2 Aug 2016 - 1:54 pm | वेल्लाभट

काय खायला आवडतं? इकडे त्याला क्विझीन म्हणतात. :)
कशा वातावरणात खायला आवडतं? म्हणजेच चव महत्वाची की अँबिऑन्स?
येणार्/फिरणार कसे? स्वतःचं वाहन असेल किंवा नाही?

हा आणि याशिवाय इतर असल्यास तपशील द्यावा. सुचवायला बरं पडेल.

मुंबईत म्हणजे कुठे असणार आहात नक्की? शाकाहारी खादाडी की सर्वाहारी.खरेदी कशाची करायची आहे सांगा.
एकेक सुचवत जाऊ.

शाकाहारी आणि सर्वाहारी दोन्ही चविष्ट मिळेल अशी ठिकाण सुचवा. मुंबईत साधारण दादर,town वेरिया मध्ये भटकण्याचा विचार आहे.

अबोली२१५'s picture

2 Aug 2016 - 2:00 pm | अबोली२१५

मी मूळची दादरची आहे. गोमंतकसाठी २-३ तास वेगळे कडून ठेवा. गोमंतकला लाईन लावून जेवायला लागत.
लालबागला दत्ता बोर्डिंग (B. A. Road, 7 Narayan Hashram Lalug, 7, Dr Baba Saheb Ambedkar Rd, Naigaon, Mumbai, Maharashtra 400012) म्हणून हॉटेल आहे. ते सुद्धा चांगले आहे.
जर या पावसात सामोसे खायचे असतील तर गुरुकृपा (40, Guru Kripa Building, Near Sies College, Sion West, Mumbai, Maharashtra 400022)हे खूप छान आहे.
आणि रात्री मोगलाई पद्धतीच जेवायचं असेल तर दिल्ली दरबार माहीमला आहे

अशी बरीच ठीकाण आहेत जेथे तुम्हाला खादाडी करता येतील, पण वेळ पण काढून या.

उडन खटोला's picture

2 Aug 2016 - 2:58 pm | उडन खटोला

दत्त बोर्डींग. दत्ता नाही.
तिथे जवळ मागे क्षीरसागर म्हणुन सुद्धा आहे.

दादरचं सायबिणी गोमांतक सुरु आहे का?

आणि खाण्यासाठी जरा फिरा
चित्रा सिनेमागृहाजवळ मिळणारे सॅन्डविच, तिथेच टायरच्या दुकानाच्या बाजूला वजनावर मिळणारी भजी.
चिंचपोकळीचा चिंतामणीच्या गल्लीच्या बाजूला असलेलं मुंबई मॅजिक
गांधी हॉस्पिटल जवळ राजकमल स्टुडिओला जायच्या रस्त्याच्या बाजूला एक छोट दुकान आहे, तिथला जम्बो वडापाव भारी आहे.

गणामास्तर's picture

4 Aug 2016 - 9:18 am | गणामास्तर

गोमंतकसाठी २-३ तास वेगळे कडून ठेवा. गोमंतकला लाईन लावून जेवायला लागत.

छ्या. .मला वाटत होतं कि हे असले प्रकार फक्त एकाचं शहरात चालतात.

हा टोमणा समजावा का मास्तर

उडन खटोला's picture

4 Aug 2016 - 11:11 am | उडन खटोला

गोमंतक खरंच बेष्ट आहे.
मास्तर म्हणतात त्या शहरातली बरीचशी रेस्टॉरंट्स गंडलेली आहेत.
तिथे लाईन जेवणासाठी लावली जात नसावी असा संशय आहे. लाईन लावायला इतर बरीच कारणं असतात.

गणामास्तर's picture

4 Aug 2016 - 11:38 am | गणामास्तर

गोमंतक ला लाईन लावण्यासाठी काय काय कारणं असतात म्हणे ?

उडन खटोला's picture

4 Aug 2016 - 12:50 pm | उडन खटोला

जेवण(मासे) बेस्ट.

वेल्लाभट's picture

2 Aug 2016 - 3:42 pm | वेल्लाभट

इटालियन, काँटिनेंटल
- अव्हनफ्रेश (इथे फक्त कॅश घेतात. ही माहिती देणं अत्यावश्यक आहे.)
- तर्तुलिया, चैत्यभूमी जवळ

मराठी
- आस्वाद, सेनाभवन
- जिप्सी कॉर्नर, सेनाभवन
- प्रकाश, गोखले रोड

चायनीज, थाई
- जिप्सी, सेनाभवन
- तमनक थाई, कॅडल रोड

मालवणी, मँगलोरियन
- सायबिणी गोमांतक
- मालवण कट्टा, सेनाभवनच्या मागच्या गल्लीत
- गोवा पोर्तुगीजा / दिवा महाराष्ट्राचा (इथे मिळणार्‍या खाद्यपदार्थांच्या नेमक्या खाद्यसंस्कृतीबद्दल संभ्रम आहे)

पावभाजी
- गोल्ड रश'स, रानडे रोड

फ्रँकी
- टिब्स शिवाजीपार्क

वडापाव
- नाईक, अनुग्रह हॉटेलच्या गल्लीत एक ओमनी उभी असते संध्याकाळी त्यात वडापाव, भजीपाव, समोसापाव मिळतो. अफाट चव. कीर्ती कॉलेजचा ओव्हरहाइप्ड वडापाव फिका पडतो यासमोर.
- स्वामी समर्थांच्या मठाजवळ, सेनाभवन

माटुंग्यात गेलात तर दाक्षिणात्य मेजवानी झोडता येईल
- राम आश्रय,
- शारदा भवन
- आर्यभवन
- मणीज
इत्यादी

बोका-ए-आझम's picture

3 Aug 2016 - 12:30 am | बोका-ए-आझम

मणीज आणि शारदा भुवन आहे पण कॅफे मद्रास नाही? हर हर!

वेल्लाभट's picture

3 Aug 2016 - 7:23 am | वेल्लाभट

इत्यादी लिहिलंय बोकोबा ! हर हर !
असं टिपिकल लोकांसारखं करू नये. सुतावरून स्वर्ग. तसं माटुंगा दाक्षिणात्य मेजवानीसाठी स्वर्गच असला तरी त्या स्वर्गाहूनही रम्य अशा डोंबिवलीला विसरता येणार नाही. अप्पम ही गोष्ट डोंबिवलीत जितकी मिळते तितकी कुठेच मिळत नाही. रादर, मिळतच नाही. एक्सेप्ट माटुंगा, तेही निवडक हॉटेलं. डोंबिवलीत मात्र अप्पमचं काय ते प्रस्थ आहे ब्वा. लव्हली! माय फेवरिट दाक्षिणात्य व्यंजन यु नो.

शान्तिप्रिय's picture

3 Aug 2016 - 11:37 am | शान्तिप्रिय

अगदि बरोबर.
अप्पम रॉक्स अ‍ॅट डोंबिवली.!

वेल्लाभट's picture

3 Aug 2016 - 7:27 am | वेल्लाभट

भाई एक-दोन राहिली...

माहिम मधे स्नेहा (फॉर म्यांगलोरियन नॉनव्हेज)
सिद्धिविनायक समोर एका बारिकशा गल्लीत डाउनटाऊन ढाबा. तंदुरी, इतर नॉनव्हेज आयटम ला-जवाब मिळतात. बडेमिया *क मारेल!

प्रसन्न३००१'s picture

3 Aug 2016 - 10:20 am | प्रसन्न३००१

दादर(प) मधल जयहिंद हा सुद्धा मालवणी पदार्थांसाठी उत्तम पर्याय आहे

प्रमोद देर्देकर's picture

2 Aug 2016 - 4:50 pm | प्रमोद देर्देकर

वेल्ला अरे अजुन एक वडा सेंटर राहिले की. छबिलस दासचा श्रीकृष्ण बटाटावडा.
त्याची चव कुठल्याच वड्याला नाही. दुसरा वडापाव

खास मराठमोळ्या पदार्थांसाठी :-

दादार आणि गिरगावचे पणशीकरांचे मिठाईचे दुकान - दुग्धजन्य पदार्थ ,
कॅडील रोडवरचे "मुंबई २८" हे उपहार गृह (सेनाभावन पासुन जवळ आहे) कोथींबीर वडीसाठी
मामा काणे उपहार गृह दादर स्टेशनच्या बाहेर
फक्त लस्सीसाठी नक्षत्र मॉलच्या समोर (दादार पश्चिम) कैलास लस्सीवाला
ताडदेवची सरदार पावभाजी.

मुक्त विहारि's picture

2 Aug 2016 - 5:14 pm | मुक्त विहारि

मला तरी जास्त आवडले नाही.

एका वाक्यात सांगायचे तर, पुण्यातल्या हॉटेल मध्ये गेल्यासारखे वाटते.

खटपट्या's picture

2 Aug 2016 - 8:44 pm | खटपट्या

छबिलस दासचा श्रीकृष्ण बटाटावडा

मस्त. आमची भावकीची सभा छबीलदासला होते. बरेच लोक फक्त वडा खाण्यासाठी येतेत.

बाकी कामाचा धागा आहे. वा.खू. का साठवता येत नाहीये ?

वेल्लाभट's picture

3 Aug 2016 - 10:48 am | वेल्लाभट

कैलास आणि छबिलदाससाठी थंब्स अप.
सरदार पावभाजी बटरच्या स्लाईसपुरतीच आकर्षक आहे. चवीत मार खाते. त्यापेक्षा सरस आहेत मग बर्‍याच. पार्ल्यात शिवसागरची पावभाजी एक नंबर. त्यांचाच फालुदा पण भारी.

मामाकाणे येस... इट्स गुड.

रंगासेठ's picture

2 Aug 2016 - 5:30 pm | रंगासेठ

मला क्रॉफर्ड मार्केटला जायचं आहे, छोट्या मोठ्या खरेदीसाठी. पुण्याहून कारने आलेलं चांगलं की ट्रेन/बसने येऊन फिरणं बरं राहील?

मुक्त विहारि's picture

2 Aug 2016 - 5:35 pm | मुक्त विहारि

त्यावर अवलंबून आहे.

क्रॉफर्ड मार्केट जवळ पार्किंग मिळायला खूप खूप त्रास होतो . अनेकदा मी कबदाडीत पार्किंग करून टॅक्सी ने फिरतो ..

आपल्याला काय घ्यायचे आहे ?

तसेच कमी सामान असेल / किंवा शेवटचा टप्पा क्रॉफर्ड मार्केट ठेवून सामान घेऊन छत्रपती शिवाजी टर्मिनस ला टॅक्सी करून जाणे बरे पडेल .

क्रॉफर्ड मार्केट होऊन छत्रपती शिवाजी टर्मिनस अतिशय जवळ आहे ..

रंगासेठ's picture

2 Aug 2016 - 6:28 pm | रंगासेठ

माझी बायको सण-समारंभासाठी तसेच भेट म्हणून देण्यासाठी म्हणून विविध प्रकारच्या वस्तू/गिफ्ट आर्टिकल्स तयार करते. क्रॉफर्ड मार्केटला या आर्ट-क्राफ्ट साठी लागणारा कच्चा माल मुबलक व वाजवी दरात मिळतो असं कळालयं.

जसे की मेटल प्लेट्स, प्लॅस्टिक/वेल्वेटची फुलं इ.

शान्तिप्रिय's picture

2 Aug 2016 - 7:11 pm | शान्तिप्रिय

रंगासेठ .....
चांगली माहिति ...
पण कृपया क्रॉफर्ड मार्केटला ज्योतिबा फुले मार्केट म्हणा शक्य झाल्यास. हे नाव बदलून अनेक वर्षे झाली.

रंगासेठ's picture

2 Aug 2016 - 9:59 pm | रंगासेठ

>>क्रॉफर्ड मार्केटला ज्योतिबा फुले मार्केट म्हणा शक्य झाल्यास.<<
खरच माहिती नव्हतं. यापुढे लक्षात ठेवेन. :-)

हेमन्त वाघे's picture

2 Aug 2016 - 5:40 pm | हेमन्त वाघे

दादर हे अतिशय गर्दीचे आहे .. आणि पसल्यात तर कीछड़ होते .

छान अनुभवासाठी कुलाब्यात या इकडे सामिष खायचे असेल तर काही छान पर्याय आहेत

बडेमियाँ
बगदादी ( खूप स्वस्त पण सामान्य सजावट )

जर इकडचं अनुभव म्हणून ग्यायचा असेल तर ताज मद्ये बुफे लन्च असतो ( 3500 ते 4000 असा दार होता ) ऐकदाच बघायचे असेल तर जात येईल - इकडे ब्रेकफास्ट बुफे बराच कमी होता ..

तसेच खायचे आणि प्यायचे असेल तर मोंडेगार आणि लिओपोल्ड आहेतच .
गोकुळ हा ऐक छान बार आणि नॉन व्हेज जॉईंट आहे - मी कॉलेज मध्ये असतानाचा अतिशय आवडता ! पूर्वी दारू अगदी विद्यार्थ्यांना परवडण्याएवडी स्वस्त होती ..

तसेच तिकडे ऐक छान बिर्याणी चे हॉटेल आहे ( बहुदा Ideal )

तसेच तिकडे चर्चची आणि इतर बरेच कॅफे आहेत - ऐकदा burp .com बघा.

बियर अजूनही स्वस्त आहे.

१९८१ एल.पी. ८.५०/- रु.

२०१६ एल.पी. ८५/- रु.

बियरची भाव वाढ १० पट.

=========================

१९८१ मध्ये सोने १८०० रु. ला १० ग्रॅम मिळायचे ते आज ३१,०००/- रु. ला मिळते.

सोन्याची भाव वाढ १७-१८ पट

===================

१९८१ भाजी ४/- रु. किलो

१९८१ भाजी ८०/- रु. किलो.

भाजीचा महागाई दर ४० पट

================

वरील सगळे दर डोंबोलीतले आहेत.

सध्या डोंबोलीत भाजी सोन्यापेक्षा महाग झाली आहे.

मुक्त विहारि's picture

2 Aug 2016 - 6:47 pm | मुक्त विहारि

थोडी मिस्टेक झाली आहे.

भाजीचा दर २० पट वाढला

भाजीची सनावळी पण चुकली आहे मुवी... असूदे आता.. एल पी पासून सुरूवात असल्याने पब्लीक समजुन घेईल. ;)

मुक्त विहारि's picture

2 Aug 2016 - 8:22 pm | मुक्त विहारि

टायपिंग मिस्टेक...

"एल. पी. पासून सुरूवात असल्याने पब्लीक समजुन घेईल."

+ १

गेटवेला गेलात तर बडे मियाँ,कुलाब्यात कैलाश पर्वत
मरीन ड्राइव्ह ला रुस्तमचे आईसक्रिम
क्राॅफर्डला मी नेहमी कार नेते.लवकर पोहचल्यास व्यवस्थित पार्किंग मिळते.तिथे गेलातच तर बादशहात पावभाजी आणि सिताफळ क्रिम खाऊन या!
दादरला पारंपारिक साड्यांसाठी लाजरी रुपसंगम इ दुकानं
हिंदमाताला भरतक्षेत्र,झगमग साड्यांसाठी भुलेश्वर,तिथेच इमिटेशन ज्वेलरी पण मस्त मिळेल.
ड्रेसेस साठी छबिलदास लेनमधलं मैत्रीण बघा.
बांद्र्याला पण शाॅपिंग छान करता येईल.सोबत सिलिंक,बँडस्टॅंड, किल्ला, माउंट मेरी चर्च असे फिरणे पण होईल.बांद्र्याला गेलात तर एल्को मार्केटला रगडा पॅटिस पाणीपुरी जरुर खा.

पक्षी's picture

2 Aug 2016 - 6:42 pm | पक्षी

तंदुरी
नूरानी, हाजी अली समोर, डाव्या बाजूला
झोमॅटो दुवा : https://www.zomato.com/mumbai/cafe-noorani-tardeo/menu

सँडविच
हाजी अली समोर उजव्या बाजूने चालत गेल्यास (नूरानी डाव्या बाजूला ठेवून), एक सँडविचचा स्टॉल लागेल. स्टॉलचं नाव विसरलो. ज्या स्टॉलला सँडविच मेनू चा मोठा बोर्ड असेल आणि त्यात जंगली सँडविच पर्याय असेल तेच हे स्टॉल. येथे जंगली सँडविच छान मिळतं

खरेदी साठी, हाजी अली समोर उजव्या बाजूला हिरा पन्ना शॉपिंग आहे. इथे सर्व ब्रॅण्डच्या फर्स्ट/सेकंड कॉपी मिळतात. पण किमतीत खूप घासाघीस करावी लागेल.

कबाब/तंदुरी
जय जवान
, लिंकिंग रोड, बांद्रा पूर्व
झोमॅटो दुवा: https://www.zomato.com/mumbai/jai-jawan-linking-road-bandra-west

लिंकिंग रोड सुद्धा खरेदी साठी चांगला पर्याय आहे, खास करून महिला वर्गासाठी.

फालुदा
बाबा फालुदा
, माहीम
फालुदा साठी (मस्ट गो),
खासियत: Baba Double Spl. Falooda
झोमॅटो दुवा: https://www.zomato.com/mumbai/baba-falooda-Mahim
कसे जायचे: माहीम दर्ग्या च्या गल्लीत डाव्या बाजूला पहिले किंवा दुसरे दुकान (किंवा तिसरे :-))

कैलासवासी सोन्याबापु's picture

2 Aug 2016 - 9:14 pm | कैलासवासी सोन्याबापु

सँडविच आमदार निवासाच्या नेमके खाली खाल्ले होते एका ठिकाणी ! काय सँडविच महाराजा, मोठाल्या ब्रेड अन दाबून चीज!!

बाकी बडेमिया स्वस्त अन मस्त म्हणजे हे हे हे हे हे हे असो असो!!

कोणी प्रभादेवीच्या "जयहिंद"चं फ्यान नाही का?

बोका-ए-आझम's picture

3 Aug 2016 - 12:28 am | बोका-ए-आझम

प्रभादेवी, बांद्रा, लोअर परेल - सगळीकडच्या जयहिंद चा मी फॅन आहे. पण जयहिंदपेक्षा समोरचं स्वराज्य जास्त आवडतं. आणि गजाली wins hands down against Jai Hind .

प्रदीप's picture

3 Aug 2016 - 2:06 pm | प्रदीप

काय आहे?

बोका-ए-आझम's picture

3 Aug 2016 - 12:25 am | बोका-ए-आझम

तुम्हाला खायचं असेल आणि व्यवस्थित फिरायचं असेल तर लोअर परेलला हाय स्ट्रीट फिनिक्स मध्ये जा. खरेदीही होईल आणि खाणंही होईल. गजाली, क्रीम सेंटर, मारूश, बाँबे ब्लूजण नूडल बार असे अनेक आॅप्शन्स आहेत. बाजूलाच पॅलॅडियम माॅल आहे. तिथेही अनेक पर्याय आहेत. Under one roof, सगळं होऊन जाईल.

तुमचा अभिषेक's picture

3 Aug 2016 - 2:34 am | तुमचा अभिषेक

मी दादरमध्ये कुठेही कितीही खादाडी केली तरी श्रीकृष्ण बटाटेवडाला एक चक्कर टाकतोच, पोटात एकदोन वडा ढकलायला जागा शिल्लक ठेवतोच, आणि अर्थातच घरीही पार्सल घेऊन जातोच.
बालपणी म्हणजे किमान वीस वर्षांपूर्वी खाल्लेला वडा आणि आजचा वडा.. तीच क्वालिटी, तोच फॉर्म्युला.. कमाल आहे.
त्याच सोबत कबुतरखान्याजवळ सौराष्ट्र फरसाणवाला आहे, त्याच्या जवळची तिखट शेव (लकडी) हि सुद्धा न्यावीच लागते.
हे दोन प्रकार काही कारणास्तव नाही करता आले तर दादरवारी फुकट गेली असे समजतो.

पोलिस कॅंटीनच कुणी नाव नाही घेतल ? .. आश्चर्य आहे.. क्रॉफर्ड मार्केट (ज्योतिबा फुले मार्केट) जवळ, हॉटेल ग्रँट हाउस(पोलिस कॅंटीन) येथे उत्तम मांसाहारी जेवण मिळते. खिमा पाव तर अप्रतिम...
झोमॅटो दुवा:https://www.zomato.com/mumbai/hotel-grant-house-cst

कंजूस's picture

3 Aug 2016 - 12:16 pm | कंजूस

उडिपी हॅाटेलात न जाणे.
मूग भजी : महालक्ष्मी मंदिराच्या मागे अथवा मशिदबंदर स्टेशन-दादर एंड वरती.

नरेश माने's picture

3 Aug 2016 - 3:23 pm | नरेश माने

@ प्रदीप.......... जयहिंद एक रेस्टॉरेंट चेन आहे. त्यांचे सर्वात जुने हॉटेल हे परळ एस.टी. स्टँडच्या कोपर्‍यावर आहे. त्या नंतर दादर स्टेशन जवळ आणि लोअर परळला कमला मिल कंपाऊंड समोर दोन अजून आहेत पण हे दोन्ही बहुतेक फॅमिली बार आणि रेस्टॉरंट आहेत. तिथे नॉन व्हेज चांगले मिळते.

बाकी दादरला गेल्यावर श्रीकृष्णचा बटाटावडा आणि कोहिनूर समोरची लस्सी मस्टच. गोमांतक जेवण चांगले आहे पण लाईन वगैरे लावून म्हणजे अतीच.

प्रदीप's picture

3 Aug 2016 - 3:28 pm | प्रदीप

धन्यवाद, नरेश.

वरील प्रतिसादांत मला वाटते बांद्रॅच्या 'हायवे गोमांतक' चा उल्लेख आलेला नाही. तसेच 'सायबा गोमांतक' चा उल्लेख आहे, हे नक्की कुठले मला ठाऊक नाही. अनेक वर्षांपूर्वी वांद्रे पश्चिम येथे, मोठ्या मशिदीसमोरील 'सायबा' नावाच्या छोट्याश्या रेस्तॉरंट्मधे खाल्लेले आठवते आहे.

संदीप डांगे's picture

3 Aug 2016 - 5:29 pm | संदीप डांगे

हायवे गोमंतक, ☺

नरेश माने's picture

3 Aug 2016 - 3:42 pm | नरेश माने

ते सायबा रेस्टॉरंटबद्दल नाहीत॑र सायबिणी गोमांतक शिवसेनाभवन जवळ एक रेस्टॉरंट होते त्याबद्दल म्हणत आहेत. जे इमारतीच्या नुतनीकरणामुळे आता माझ्या मते शिवसेना भवनच्या गल्लीत शिफ्ट झाले आहे.

बांद्र्याला कलानगरपाशी अशेच एक गोमांतक टाईप नाव असलेले होते हो हॉटेल. भारी टेस्ट होती. जे जे च्या हॉस्टेलपासून जवळ होते ते.

प्रदीप's picture

3 Aug 2016 - 8:10 pm | प्रदीप

मी वर उल्लेखिले आहे-- 'हायवे गोमांतक'.

सिरुसेरि's picture

3 Aug 2016 - 4:00 pm | सिरुसेरि

" कॉपर चिमनी " फेमस आहे .

बांद्र्याला कलानगरपाशी अशेच एक गोमांतक टाईप नाव असलेले होते हो हॉटेल.

आहे की अजूनही त्याचे नाव हायवे गोमांतक - कोकण्याची खानावळ.

दिपुडी's picture

3 Aug 2016 - 10:47 pm | दिपुडी

चेंबूरमधे कुठे नि काय छान मिळते तेही सांगाल का

शण्मुखानंद हॅाल( किंगज सर्कल)च्या मागेही चक्कर टाका.पंजाबी पदार्थ.

गेले की एक सचिन नावाचे मासे आणि इतर साठी अतिशय प्रख्यात ठिकाण होते ते आता नाही का?

नरेश माने's picture

4 Aug 2016 - 1:32 pm | नरेश माने

आहे अजून. गेल्याच महिन्यात खादाडी करून आलोय. चव तीच आहे पुर्वीची असे मित्र म्हणाला मी पहिल्यांदा गेलो होतो. चांगले होते जेवण.

नरेश माने's picture

4 Aug 2016 - 1:34 pm | नरेश माने

पण सचिनत रानडे रोडवर नसून गोखले रोडवर आहे. दादर स्टेशन वरून रानडे रोडच्या कोपर्‍यावर आलो की डाव्या बाजूला.

विनटूविन's picture

4 Aug 2016 - 6:24 pm | विनटूविन

मलाही जाऊन बरीच वर्षे झालीत. रानडे रोड बराच चालायला लागायचा एवढे आठवत आहे.