खडसे पुराण

जळगावातील नेते एकनाथ खडसे यांच्या राजीनाम्यानंतर एक नवीनच चर्चा सुरू झाली. ब्राम्हण अाणि बहुजन अशा या चर्चेला फाेडणी देण्याचे काम नारायण राणे यांनी दिले. तसे देवेंद्र फडणवीस मुख्यमंत्री झाल्यापासून राज्यातील राजकारणात ब्राम्हण विरूद्ध बहुजन या चर्चेला सुरूवात झालीच हाेती. खरतर खडसेंना बहुजनांचे नेते म्हणता येणार नाही. खडसेंचा प्राबल्य हे खान्देशात त्यातच जळगाव जिल्ह्यात. त्यांना जळगाव जिल्ह्यात अाव्हान देणारे दुसरे भाजप नेते गिरीश महाजन हे बहुजन. परंतु ते मुख्यमंत्र्यांच्या जवळचे. दुसरीकडे देवेंद्र फडणवीस हे मुख्यमंत्री झाले ते ब्राम्हण म्हणून नवे. अभ्यासू, भ्रष्टाचाराचा लवलेश नसल्यामुळे माेदींची मर्जी त्यांच्यांवर बसली. मग काेणत्याही मंत्रीपदाचा अनुभव नसताना त्यांना मुख्यमंत्रीपद मिळाले. दुसरीकडे गाेपीनाथ मुंडे यांच्या अपघाती निधनानंतर एकनाथ खडसे यांना अापणच अाता भाजपचे मुख्यमंत्री, असे वाटू लागले. खान्देशात प्रचार करताना त्यांनी खान्देशच्या मुख्यमंत्री हाेण्यासाठी जास्तीत जास्त अामदार निवडून द्या असा प्रचार केला.
खडसेंकडे अभ्यास, काम करण्याची प्रचंड क्षमता अाणि प्रशासनावर वचक हे सर्व गुण असताना त्यांना केवळ स्वच्छ प्रतिमा नसल्यामुळे मुख्यमंत्रीपद मिळाले नाही. राज्यातील दुसऱ्या क्रमांकाचे पद मिळाल्यावरही ते मुख्यमंत्रीसारखे वागू लागले हाेते. अापणासच प्रशासन चालवता येते, अधिकारी अापलेच एेकतात, हे ते खासगीत सांगत हाेते. हळूहळू त्यांनी अापल्याबराेबर अापल्या परिवारातील अनेक सदस्यांनाही पदे वाटणे सुरू केले. अाधी सूनेला खासदार केले. त्यानंतर मुलगी जिल्हा बॅंकेची चेअरमन झाली. पत्नी जिल्हा दूध संघाची चेअरमन व नंतर महानंदाच्या चेअरमन झाल्या. घरात फक्त वर्षाच्या नातूकडे पद नव्हते. एक व्यक्ती एक पद असे धाेरण असलेल्या भाजपातील सर्व पदे एकाच कुटुंबात जात हाेती. त्याला मग लाेकशाहीने निवडून अाले, असे गाेंडस नाव दिले जात हाेते. स्वत: खडसेंकडे १२ खात्याचे मंत्रीपद हाेते. मंत्री असताना त्यांनी काय उद्याेग केले, हे माध्यमांमध्ये चर्चेला जात अाहे. त्यातील सत्य बाहेर येईल. परंतु अती तेथे माती हे वाक्य खडसेंच्या बाबतीत लागू पडते.