✍ मराठी साहित्य, संस्कृती आणि लेखनाचे व्यासपीठ

..वॉन्टेड..

— कानडाऊ योगेशु,
उगा हासरा तुझा चेहरा! भरपूर झाला इथे आसरा उजेडात आला जुना कोपरा पायात रडला पुन्हा उंबरा उत्क्रांत झाला किती वानरा !! झालास तू ही बैल वासरा !! वॉन्टेड आहे तू ही ईश्वरा! पत्ता तुझा दे एक अंबरा! दिसलाच अंती मूळ चेहरा! झाकुन घे तू डाग पांढरा तोडुन गेली गाय आसरा दुष्काळ आहे परत पाखरा फिरतोच आहे अजुन भोवरा उघडाच आहे सोड पिंजरा! अंधार गेला नीघ भास्करा! बोलुनि गेली काय मंथरा? वनवास आहे थांब उत्तरा! जवळुन गेला हाय मोगरा गाऊन जा तू फक्त अंतरा! मुलगाच आहे मार शंकरा! मृत्यु असावा खास सोयरा! - कानडाऊ योगेशु
2440 वाचन
💬 प्रतिसाद (15)

चांदणे संदीप
Wed, 05/04/2016 - 15:40 नवीन
पायात रडला पुन्हा उंबरा
अडला?? (भारीये गेसिंग गेम! ;) )
↩ प्रतिसाद: कानडाऊ योगेशु

कानडाऊ योगेशु
Wed, 05/04/2016 - 16:53 नवीन
आधी अडलाच सुचले होते पण अडला म्हणजे मला जायचेच होते पण उंबरा मध्ये तडमडला असा अर्थ ध्वनित होतोय.पण रडला मध्ये त्याला मला जायला नको आहे असा अर्थ ध्वनित होतो आहे. पण ही ती चूक नाही आहे.! (चूक फॅक्ट संदर्भात आहे. शब्द/व्याकरण संदर्भात नाही.)
↩ प्रतिसाद: चांदणे संदीप

नाखु
Wed, 05/04/2016 - 14:42 नवीन
गाय आसरा कासरा असे हवे होते हाय मोगरा हय ऐवजी धुंद असे हवे होते असे मला वाटते असलेच पाहिजे असे नाही मी फक्त एक निरिक्ष्ण नोंदवले . विसू पैजार बुवा का नीमो कोण नंबर लावेल ?

कानडाऊ योगेशु
Wed, 05/04/2016 - 17:55 नवीन
येस. यु सेड इट सर! तिथे उर्मिला हवे होते.(अर्थात त्यामुळे ती द्विपदीच ह्या पूर्ण कवितेत बसत नाही.संपादनाची सोय असली असती तर काढुन टाकता आली असती.) प्रतिसाद दिलेल्या सर्वांचे धन्यवाद.
↩ प्रतिसाद: चाणक्य

कानडाऊ योगेशु
Wed, 05/04/2016 - 22:49 नवीन
अभ्या सूचना आवडली. पण.. उत्तरा अभिमन्युची पत्नी होती आणि अभिमन्यु अज्ञातवासात गेला नव्हता. बहुदा तो तेव्हा सुभेद्रेसोबत द्वारकेला श्रीकृष्णाकडे रहात होता त्यामुळे अज्ञातवास ही घेता येणार नाही.
↩ प्रतिसाद: अभ्या..

अभ्या..
Wed, 05/04/2016 - 22:57 नवीन
उत्तर हा विराटाचा सुपुत्र आणि उत्तरेचा भाऊ, तोच तो बाबबाब रे, बालिश बहू बायकात बडबडला वाला. त्यांच्यमुळेच अज्ञातवासात असलेले पांडव प्रकट झाले, त्याला संबोधन उत्तरा असच होणार ना?
↩ प्रतिसाद: कानडाऊ योगेशु

कानडाऊ योगेशु
Wed, 05/04/2016 - 23:03 नवीन
येस्स्स्स! खतर्नाक रे अभ्या. मी बालीश उत्तरा ला कसा काय विसरलो ? अजिबात डोक्यात आला नाही तो.! अज्ञातवास चालतोय शब्द इथे. प्रचंड धन्यवाद!
↩ प्रतिसाद: अभ्या..