आई पी एल-२०१६

पाण्यात जाण्याची संभावना, मुंबईतले IPL

देव करो आणि उच्च न्यायालय उद्या गरज भासल्यास रात्रंदिवस काम करुन आय पी एल महाराष्ट्राबाहेर खेळ्ण्याच्या याचिकेवर सकारात्मक निर्णय देवो. सर्वोच्च न्यायालयाचीए लुड्बूड या निर्णयात न होवो. पुढील वर्षापासुन आय पी एल बारीबारीने सर्व क्रिकेटींग नेशन्स मध्ये खेळली जावो.

वल्डकप मध्ये चांगले खेळणारे खेळाडू पण नशिबाने त्यांची आय.पी.ल मध्ये निवड होऊ शकली नाही. त्यांच्या बाजूने कोणीच बोली लावली नाही. ते खेळाडू खालील प्रमाणे : १) Martin Guptill (Base price INR 50 lakhs) २) Usman Khawaja (Base price INR 1 crore) ३) Johnson Charles (Base price INR 30 lakhs) ४) Tillakaratne Dilshan (Base price INR 1.5 crores) ५) Darren Sammy (Base price INR 50 lakhs) ६) Sulieman Benn (Base price INR 30 lakhs) ७) Darren Bravo (Base price INR 50 lakhs) ८) Chris Jordan (Base price INR 1 crore) ९) Marlon Samuels (Base price INR 50 lakhs)

मागील आयपीएलसाठी "साधा मुलगा" यांनी फँटसी लीग मध्ये मिसळपाव लीग तयार केली होती. त्यात १०-११ जणांनी सहभाग घेतला होता. यावर्षी कोणी लीग तयार करणार आहे का?

असली भिकार लिग बघणार्यांच्या अकलेची किव कराविशी वाटते

इंडिया का त्योहार, कमज़ोर, पावरफुल, अंदरडोग हे अमराठी शब्द! शिवाय लिखाणात मराठी व्याकरणाच्या असंख्य चुका! जर दहा वाक्य शुध्द मराठीत लिहिता येत नसतिल तर मराठी संस्थळावर इतका टुकार धागा काढायची इतकी घाई कशाला?

अतिक्रिकेट होतयं, प्रत्येक टीमचे आठच सामने असावेत.आणि दोन महिन्याऐवजी एकाच महिन्यात कार्यक्रम उरकावा. काही सामने पहायला मज्जा जरूर वाटते,पण हे सगळं हेल्दी काँपीटिशन असावं,कारण जेव्हा आपलेच खेळाडू एकमेकांबरोरबर वाद घालत बसतात तेव्हा ते सगळं निरर्थक वाटतं. हरभजन श्रीशांतला थप्पड काय मारतोय अन् गंभीर कोहलीची बाचाबाची काय होते!!! हे सगळं अप्रस्तुत वाटतं.

कोणी काहिहि म्हणुदे, ह्या आयपिएल मुळे सारखे सारखे बार मध्ये जाणे होतेच, (पाउलेच वळतात म्हणा) बार मध्ये जाउन एक एक लार्ज पेग बरोबर मोठ्या स्क्रिन वर समस्त तळिरमांसोबत आयपिएल च्या म्याच बघन्याच आनंद निराळाच आहे.

सचिनमुळे मी सुरवातीपासूनच मुंबई इंडियन्सला सपोर्ट करीत होतो. आताही त्याच संघाला सपोर्ट करतोय.

वर ऑल आउट होणार बहूतेक .

मी fantasy.iplt20.com वर Misalpav (कोड - 280052-64480) ही लीग तयार केली आहे. इच्छुकांनी जॉईन व्हावे.

आयपीएलच्या प्राथमिक फेरीतील ५६ सामने संपले असून आता प्लेऑफचे फक्त ४ सामने शिल्लक आहेत. गतवर्षीच्या विजेत्या मुंबई चॅम्पियन्सला प्लेऑफ मध्ये स्थान मिळविण्यात अपयश आले आहे. नव्याने स्थापन झालेल्या पुणे संघाचा शेवटून दुसरा क्रमांक आला. धोनी कर्णधार असूनही या नवीन संघाला चांगली कामगिरी करण्यात अपयश आले. ४ परदेशी खेळाडू जखमी झाल्याचाही फटका बसला. दुसरीकडे पंजाबची कामगिरी पुन्हा एकदा निष्प्रभ ठरली. सर्व १४ सामन्यात अपयशी ठरलेल्या डेव्हिड मिलरला काही सामन्यानंतर वगळून दुसर्‍या खेळाडूला संधी द्यायला हवी होती. दिल्लीच्या संघाला यावेळी नवीन कर्णधार (झहीर) व नवीन मेंटॉर (द्रविड) लाभला होता. त्यांनी १४ पैकी ७ सामने जिंकले. परंतु प्रत्येक सामन्यात संघात बदल केल्याने हा संघ कधी स्थिरावलाच नाही व त्यामुळे ते प्लेऑफ मध्ये येऊ शकले नाहीत. मुंबईला मलिंगाची उणीव जाणवली. हरभजनही बहुतेक सामन्यात अपयशी ठरल्यामुळे त्यांनीदेखील १४ पै़की फक्त ७ सामने जिंकले. दुसरीकडे नव्याने स्थापन झालेल्या गुजरात संघाने प्रथम क्रमांक मिळविला. अर्थात सुरवातीच्या धडाक्यानंतर त्यांची कामगिरी खालावली. पहिल्या ७ पैकी ६ सामने जिंकल्यावर उर्वरीत ७ पैकी फक्त ३ सामने त्यांना जिंकता आले. या संघात ड्वेन स्मिथ, मॅकलम्, रैना, फिंच, ड्वेन ब्राव्हो असे धडाकेबाज खेळाडू आहेत. बंगळूर संघात गेल, कोहली, डीव्हिलिअर्स, वॉटसन इ. तगडे फलंदाज असूनही पहिल्या १० सामन्यातील फक्त ४ सामने त्यांना जिंकता आले होते. मात्र शेवटचे चारही सामने जिंकून त्यांनी दुसरा क्रमांक मिळविला. कोहलीने जवळपास प्रत्येक सामन्यात खोर्‍याने धावा केल्या. हैद्राबादतर्फे कर्णधार वॉर्नरने धडाकेबाज धावा करून प्रथम ४ संघात स्थान मिळविले. वॉर्नरबरोबर भुवनेश्वर, मुस्तफिजूर, बरिंदर स्रान, नेहरू इ. मध्यमगती गोलंदाज हीच या संघाची खरी ताकद आहे. कलकत्त्याची खरी ताकद त्यांच्या फिरकी गोलंदाजात आहे. सुनील नरिने, शकिब, ब्रॅड हॉग, चावला इ. गोलंदाजांच्या जोरावरच त्यांनी देखील प्रथम ४ संघात स्थान मिळविले. रसेलच्या अष्टपैलू खेळाची देखील त्यांना खूप मदत झाली. या आठवड्यात उर्वरीत ४ सामने आहेत. बहुतेक गुजरात किंवा बंगळूर संघ यातील एक विजेता होईल असे वाटते.

काल आरसीबीने अत्यंत कठीण परिस्थितीतून सामना जिंकून अंतिम फेरीत प्रवेश केला. आता आज कलकत्ता वि. हैद्राबाद सामना आहे.

बहुतेकांचे अंदाज खोटे ठरवित सनरायझर्सने चुरशीच्या सामन्यात बलाढ्य बेंगळूरचा ८ धावांनी पराभव करून ९ व्या आयपीएल स्पर्धेचे विजेतेपद मिळविले. या संघाने प्रथमच विजेतेपद मिळविले आहे. यापूर्वी चेन्नई सुपर किंग्ज संघाने ५ वेळा अंतिम फेरीत प्रवेश करून २ वेळा विजेतेपद मिळविले होते (या संघाच्या विजेतेपदाबद्दल आणि एकूणच कामगिरीबद्दल शंका आहे. या संघाचा मालक श्रीनिवासन व त्याचा जावई गुरूनाथ मयप्पन मॅच फिक्सिंग मध्ये गुंतल्याचे न्यायालयात सिद्ध झाल्याने आता या संघावर २ वर्षे व मयप्पनवर तहहयात बंदी आहे.). कलकत्त्याने २ वेळा अंतिम फेरीत प्रवेश करून दोन्ही वेळा विजेतेपद मिळविले होते. मुंबई इंडियन्सने ३ वेळा अंतिम फेरीत प्रवेश करून २ वेळा विजेतेपद मिळविले होते. पूर्वीच्या डेक्कन चार्जर्स व राजस्थान रॉयल्स संघांनी एकेकदा अंतिम फेरीत प्रवेश करून विजेतेपद मिळविले होते. बंगळूरने ३ वेळा अंतिम फेरीत प्रवेश करून तीनही वेळा त्यांना पराभव पत्करावा लागला. यावेळी नव्याने तयार झालेल्या गुजरात लायन्स संघाने स्पर्धेच्या पूर्वार्धात जबरदस्त कामगिरी केली. परंतु उत्तरार्धात ते ढेपाळले. नव्याने तयार झालेला अजून एक संघ म्हणजे पुणे सुपरजायंटस्. या संघाच्या नावात पुणे असले तरी पुणे व महाराष्ट्राचा या संघाशी सुतराम संबंध नव्हता. नावात पुणे असूनसुद्धा या संघाला पुण्यातून सुद्धा प्रेक्षकांचा फारसा पाठिंबा मिळाला नाही. या संघातील अनेक खेळाडू अपयशी ठरून सुद्धा त्यांनी शेवटपर्यंत संघात फारसे फेरफार केले नाहीत व एकही स्थानिक खेळाडूला संधी दिली नाही. बंगळूर व गुजरात संघांकडे अत्यंत तगडे फलंदाज होते, परंतु त्यांची गोलंदाजी दुर्बल होती. त्याचाच त्यांना फटका बसला. ट-२० सामन्यात बहुतांशी फलंदाजांचे वर्चस्व असले तरी ज्या संघाकडे चांगले गोलंदाज आहेत तो संघच शेवटी पुढे जातो हे यावर्षीही दिसून आले. हैद्राबाद व कलकत्त्याकडे बंगळूर व गुजरातच्या तुलनेत कमी तगडे फलंदाज होते. परंतु त्यांची गोलंदाजी चांगलीच भक्कम होती. त्यामुळेचे ते प्लेऑफमध्ये येऊ शकले. हैद्राबादने काल २०८ धावा करूनसुद्धा गेल व कोहलीने तुफान फलंदाजी करून सामना जिंकण्याच्या अवस्थेत आणला होता. परंतु हैद्राबादच्या गोलंदाजांनी डेथ ओव्हर्समध्ये अचूक गोलंदाजी करून विजय मिळविला. मुंबईचा संघ समतोल असलात तरी त्यांना मलिंगाची उणीव जाणवली. हरभजन व पोलार्ड यावर्षी बहुतेक सामन्यात अपयशी ठरूनसुद्धा त्यांना बहुतेक सामन्यात खेळविले गेले. सलामीला पार्थिव पटेल व नंतर हार्दिक पंड्याही अपयशी ठरले. त्यामुळे त्यांना प्लेऑफमध्ये जाता आले नाही. पंजाबकडे डेव्हीड मिलर जवळपास सर्व सामन्यात अपयशी ठरला. तरी त्याला सर्व सामन्यात घेतले होते. मॅक्सवेलही बहुतेक सामन्यात अपयशी ठरला. त्यांच्याकडे मोहीत शर्मा व अक्षर पटेल हे बर्‍यापैकी गोलंदाज असूनही बरेच फलंदाज अपयशी ठरले. दिल्लीने प्रत्येक सामन्यात घाऊक बदल केल्याने त्यांचा संघ शेवटपर्यंत स्थिरावला नाही. त्याचाच त्यांना फटका बसला. एकंदरीत यावेळची स्पर्धा चांगलीच चुरशीची झाली.

अवांतर : श्रीगुरुजी, मुंबई संघाचं नाव इंडियन्स का ठेवलं असावं? दुसरं कुठलं शहर मिळालं नाही का? खरं तर दिल्ली इंडियन्स शोभून दिसलं असतं. क्रिकेटच्या आडून वेगळ्या हालचाली तर चालू नाहीत? आ.न., -गा.पै.

चेक आणि मेट, तुम्ही म्हणताय तशी राष्ट्रीय अस्मिता बरी. फक्त ती इतर संघांच्या नावांतून दिसंत नाही. तशी दिसलेली आवडेल बघायला मला. आ.न., -गा.पै.