साहित्यः
१.५ वाटी सीडलेस खजूर, तुकडे करुन घ्यावे.
१/२ वाटी बदाम
१/२ वाटी काजू
१/४ वाटी बेदाणे
१/४ वाटी डेसिकेटेड कोकोनट
२ टेस्पून खसखस
१/२ टीस्पून वेलचीपूड
पाकृ:
काजू-बदाम बेताचे चॉप करुन घेणे.
पॅनमध्ये काजू-बदाम कोरडेच हलक्या तांबूस रंगावर भाजून घेणे.
भाजलेले काजू-बदाम प्लेटमध्ये काढावे.
त्याच पॅनमध्ये आता खोबरे + खसखस सोनेरी रंगावर भाजून घ्यावे.
हे सुद्धा वेगळ्या प्लेटमध्ये काढावे.
पॅनमध्ये एक चमचा साजूक तूप गरम करुन त्यात चिरलेला खजूर व बेदाणे घालावे.
सतत परतावे, खजुर-बेदाण्याचा गोळा होऊन लागेल तेव्हा गॅस बंद करावा.
मिश्रण गार होऊ द्यावे.
काजू-बदामाची मिक्सरवर भरडसर पूड करुन घ्यावी.
खजूर-बेदाणेच्या मिश्रणात काजू-बदामाची पूड, खोबरे + खसखस व वेलचीपूड घालून चांगले मिक्स करावे.
पेढे-मोदकाच्या साच्यात मिश्रण भरून मोदकाचा आकार द्यावा.
हे मोदक अतिशय चविष्ट बनतात व ह्यात खजूराचा, बेदाण्याचा गोडवा पुरेसा होतो.
हे मोदक तुम्ही गणपतीत प्रसादाला देऊ शकता.
ह्या प्रमाणात १५-१६ मोदक होतात, जास्तं प्रमाणात बनवयाचे असतील तर साहित्याचे प्रमाण वाढवावे.
गणपती बाप्पा मोरया !!
तुम्हा सर्वांना गणेशोत्सावाच्या हार्दिक शुभेच्छा !!
__/\__
प्रतिक्रिया
17 Sep 2015 - 2:36 am | रेवती
रेसिपी आवडली. फोटूही छान.
17 Sep 2015 - 2:44 am | स्रुजा
एक नंबर !! नेहमीप्रमाणेच .. :)
17 Sep 2015 - 9:18 am | सुहास झेले
नेहमीप्रमाणेच.... झक्कास !!!
17 Sep 2015 - 9:33 am | मुक्त विहारि
नेहमीचाच प्रतिसाद...
१. सुंदर फोटो
२. सुंदर लेखनशैली
17 Sep 2015 - 10:34 am | पद्मावति
वाह, आज गणेश चतुर्थीच्या दिवशी सकाळी बाप्पासाठी मस्तं नैवेद्य!
पाककृती, सादरीकरण सुंदरच.
17 Sep 2015 - 11:29 am | पिंगू
एक नंबर.. पाककृती आणि फोटोसुद्धा..
17 Sep 2015 - 12:17 pm | Mrunalini
मस्तच पाकृ सानि. बाप्पाला नक्कीच आवडतील हे मोदक. गणेश चतुर्थीच्या शुभेच्छा!! :)
17 Sep 2015 - 1:42 pm | द-बाहुबली
गणपती बप्पा मोरया... छन चवदार पाकृ.
बाकी फक्त आकार दिला गेल्या की प्रत्येक गोष्टीचा मोदक बनतो का ?
18 Sep 2015 - 3:03 pm | प्यारे१
खव्याचे मोदक म्हणतात की. पेढाच असतो.
बाकी खाण्याचे महान कार्य करावे.
इथे शंका विचारलेल्या चालत नाहीत.
17 Sep 2015 - 2:13 pm | दिपक.कुवेत
मस्त...नेहमीप्रमाणेच
17 Sep 2015 - 2:17 pm | इशा१२३
मस्तच ग!मी असे लाडु करते.आता असा मोदक आकारात बनवुन नैवेद्य दाखवेन.
17 Sep 2015 - 2:18 pm | नंदन
साच्यातली असूनही साचेबद्ध नसणारी रेसिपी :)
17 Sep 2015 - 2:39 pm | अजया
सुंदर रेसिपीचे तसेच सादरीकरण!
17 Sep 2015 - 5:33 pm | स्वाती दिनेश
मोदक मोददायी आहेत, :)
स्वाती
17 Sep 2015 - 5:42 pm | अत्रुप्त आत्मा
व्वाहव्वा! एकच नंबर.
17 Sep 2015 - 9:01 pm | कविता१९७८
वाह मस्तच साने
18 Sep 2015 - 10:49 am | विभावरी
छानच दिसताहेत , करुन पहाणार !!
18 Sep 2015 - 2:58 pm | मदनबाण
वाह्ह... :)
मदनबाण.....
आजची स्वाक्षरी :- Gajanana... :- Bajirao Mastani
19 Sep 2015 - 9:57 am | नूतन सावंत
सानिका,माझी आई असेच करून ताटाला तूप लावून वाड्या करीत असे.मधुमेही भक्तांसाठी खास प्रसाद असे. मोदकाची आयडिया पण भारीच आहे.गणपती खरेच सोंड लांबवून एक तरी खाईलच.
21 Sep 2015 - 4:59 pm | के.पी.
खरच किती गोडुले दिसताहेत ते मोदक!
19 Sep 2015 - 10:06 am | वेल्लाभट
चव भारी असेलच नक्की
पण फोटो ........
प्रेझेन्टेशन,........
क्या बात है
21 Sep 2015 - 11:22 am | सुचिकांत
सानिका ताई, खूपच छान सादरीकरण, पाहूनच पोट आणि मत तृप्त झालं!
21 Sep 2015 - 11:25 am | सुचिकांत
तुमचा ब्लॉग पाहिला, आणि पुन्हा पाक कृतींमध्ये रस येऊ लागला आहे. लवकरच मी देखील काहीतरी छान बनवून पोस्ट करीन!
21 Sep 2015 - 2:11 pm | सानिकास्वप्निल
सगळ्या प्रतिसादकांचे आभार :)