गवसणी.(चारोळ्या)
शिकविलेस स्वाभिमानी जगणे,
माणुसकीने जिंकण्याचा ध्यास...
संकटातही आई शोधेन संधी,
घालेन गवसणी मी गगनास..!!
प्रीती तुझी ही संजीवनी मजला,
अर्थ नव्याने आला या जगण्यास....
साथीने या जीवन मंगल गाणे,
घालेन गवसणी मी गगनास..!!
मांडला डाव वारंवार मोडला
हिरावला आलेला तोंडाशी घास...
लढाई जगण्याची पुन्हा नव्याने
घालेन गवसणी मी गगनास..!!
माणसांना अनुभवले इतके,
समृद्ध समर्थ केले जीवनास....
साथीत जगतो समरसतेने,
घालेन गवसणी मी गगनास..!!
......प्रल्हाद दुधाळ
प्रतिक्रिया
27 Mar 2015 - 5:05 pm | गवि
छान आहे. लेखनासाठी शुभेच्छा.
आईच्या प्रेमाबाबत प्रीती असा शब्द यापूर्वी वाचल्याचं स्मरत नाही. प्रेम, माया, भक्ती, ममता असे शब्द आठवतात.
30 Mar 2015 - 2:29 pm | शशिका॑त गराडे
अप्रतिम शब्द रचना
30 Mar 2015 - 5:18 pm | विवेकपटाईत
मस्त कविता, आवडली.