निर्भया डॉक्युमेंटरी वगैरे ....

च
चुकलामाकला यांनी
 ·  लेख
लेख
मी सुशिक्षित, सुजाण , सभ्य वगैरे माझे आदर्श गांधी, सावरकर , मार्क्स वगैरे मला मनापासून पटतो स्त्रियांचा सन्मान , त्यांचे स्वातंत्र्य वगैरे मी मानतो हवे ते कपडे घालण्याचा ,कुठल्याही वेळी , कठेही एकटीने फिरण्याचा त्यांचा हक्क वगैरे बलात्कार , स्त्रियांचे शोषण, त्यांच्यावरील गुन्हे ई .वर मी चिडतो वगैरे त्यावर तावातावाने बोलतो ,चर्चा करतो , फेसबुक वर लिहितो वगैरे …… डिलीट करतो न चुकता मी कॉम्प्युटर वरची ब्राउझिंग हिस्ट्री वगैरे लॉक असतो माझा मोबाईल, अश्लील मेसेज, फोटो मी वाचतो, फोरवर्ड करतो , उडवतो वगैरे मित्रांमध्ये खाजगीतले माझे विनोद ऐकून लाजतील दादा कोंडके, सचिन यार्दी वगैरे … दिसली समोर बाई की चवीने बघतो तिचा खोल गळा, लो वेस्ट फाशन वगैरे आणि काढतो तिची मापे, मनातल्या मनात दाबतो वगैरे मिळाला एकांत की डोळ्यासमोर आणतो दिवसभरात दिसलेल्या बाया , सनी लिओन वगैरे … आजची बातमी ऐकून मुठी वळवून म्हणतो मी ,भे****,मा*** फाशी दिली पाहिजे या मुकेशला वगैरे मी सुशिक्षित, सुजाण , सभ्य वगैरे (कवितेपेक्षा चर्चेसाठी जास्त योग्य वाटले )
वर्गीकरण
39912 वाचन
💬 प्रतिसाद (183)

प्रतिक्रिया

कोंबडी प्रेमी
गुरुवार, 03/05/2015 - 17:16 नवीन
स्वतःच्या आईवर, मुलीवर, बहिणीवर बलात्कार करणारे पुरुष याची स्पष्ट उदाहरणे आहेत. यांचे प्रमाण लाखात एक असले तरी बहुसंख्य पुरुष विशिष्ट वयात निदान अशा समागमाची इच्छा बाळगणारे तरी असतातच खरेच ???

कपिलमुनी
गुरुवार, 03/05/2015 - 17:29 नवीन
डॉक्युमेंटरी पाहिली. आपल्या देशामधल्या लोकांची मते ऐकली की लाज वाटते. बीबीसी ने ही डॉक्युमेंटरी बनवली हे फार चांगला केला . आपल्या देशामधली काही लोकांची घाणेरडी मानसिकता समोर आली.

स्वप्नांची राणी
गुरुवार, 03/05/2015 - 18:08 नवीन
+१...मी पण पाहिली... आपल्या समाजाचा आरश्यातला विकृत चेहेराच दिसतोय त्यात. कदाचित म्हणूनच झाकून ठेवलाय..
↩ प्रतिसाद: कपिलमुनी

प्रभाकर पेठकर
Sat, 03/07/2015 - 12:28 नवीन
कपिलमुनी, डॉक्यूमेंटरीतला निष्कर्ष कुठल्या दिशेने जावा ते आधी ठरवून त्यानुसार मुलाखती दाखवता येतात. दहा मधल्या तिघांनी मूर्खासारखी विधानं केली आणि तीच तुमच्या डॉक्यूमेंटरीत दाखवली की जगात असाच समज पसरणार की भारतिय समाजच विकृत आहे. बाकी सात जणांची चांगली मते जगासमोर येतच नाहीत.
↩ प्रतिसाद: कपिलमुनी

प्रसाद गोडबोले
गुरुवार, 03/05/2015 - 18:23 नवीन
डेव्हील्स अ‍ॅकडोव्हसी थोडीशी डेव्हील्स अ‍ॅक्डोव्हसी करण्याचा प्रयत्न करीत आहे . हा निर्भयाबलात्कारी ठार विकृत माणुस आहे ह्यात शंका नाही ....पण तरीही "माणुस" आहे , त्याला त्याचे मत मांडण्याचा अधिकार आहे , कितीही विकृत आणि निर्बुध्द असले तरीही ! त्याने ते भारतीय कोर्टापुढे मांडले आणि त्याला कायद्याने फाशी दिली ... आता त्याला ह्या मुलाखती द्वारे जगापुढे बोलायचे असल्यास बोलु द्यावे ... जगाला ठरवु दे त्याच्या युक्तीवादात काही तरी स्विकाराह आहे का ते ! एरव्ही तुमचे आमचे न्युज चॅनल टीव्हीवर न्याय निवाडा करत असतातच की ! हा त्यात आला तर काय बिघडले ? शिवाय ह्या निमित्ताने , त्याचा युक्तीवाद जगभरासाठी निषेधार्ह होईल आणि त्या विकृताच्या फाशीच्या शिक्षेवर जागतिक शिक्का मोर्तब होईलच की !

बॅटमॅन
गुरुवार, 03/05/2015 - 18:27 नवीन
तसे यात असहमत होण्यासारखे काही दिसत नाही, पण या निमित्ताने त्या प्राण्याला फुकटची प्रसिद्धी मिळून त्याचे अजून सिम्पथायझर्स देखील तयार होतील ते नकोय.
↩ प्रतिसाद: प्रसाद गोडबोले

स्वप्नांची राणी
गुरुवार, 03/05/2015 - 18:32 नवीन
सिम्पथायझर्स नक्की तयार होणार नाहीत. शब्दागणीक त्याचा विकृतपणाच जाणवतो. त्या डॉक्यु मधल्या शर्मा वकिलाचे आणि त्या दुसर्‍या नालायकाचे विचार या विकृत प्राण्यापेक्षा जास्त भयंकर आहेत.
↩ प्रतिसाद: बॅटमॅन

सुबोध खरे
गुरुवार, 03/05/2015 - 18:56 नवीन
या न्यायाने अजमल कसाबचे म्हणणेही जगापुढे मांडायला आणि प्रसिद्धी द्यायला परवानगी द्यायला हवी
↩ प्रतिसाद: प्रसाद गोडबोले

प्रसाद गोडबोले
गुरुवार, 03/05/2015 - 19:27 नवीन
इंडीड अजमल कसाब , अफजल गुरु , राजीव चे मारेकरी , इन जनरल सगळ्याच गुन्हेगारांना स्वतःचे म्हणणे जगापुढे मांडायचा अधिकार असायला हवा .
↩ प्रतिसाद: सुबोध खरे

स्वप्नांची राणी
गुरुवार, 03/05/2015 - 19:59 नवीन
बीबीसी च्या पाकीस्तानी अतिरेक्यांवरही डॉक्यु आहेत आणि त्या पाकीस्तानात बॅन झालेल्या आहेत...
↩ प्रतिसाद: प्रसाद गोडबोले

प्रसाद गोडबोले
गुरुवार, 03/05/2015 - 20:11 नवीन
येक्झॅक्टली !! आपण पाकिस्तान नाही , आपण भारत आहोत ... आणि म्हणुनच बलात्कारी असला , पशुतुल्य असला तरीही एक माणुस म्हणुन आपण त्याला त्याचे मत मांडायला दिले पाहिजे !
↩ प्रतिसाद: स्वप्नांची राणी

सुबोध खरे
गुरुवार, 03/05/2015 - 21:26 नवीन
प्रगो साहेब दुर्दैवाने कसाबसारख्या मेंदू धुतलेल्या माणसाचे दर्पोक्तीपूर्ण उद्गार वाचून काही भडक डोक्याचे तरुण जिहादला तयार होऊ शकतात नव्हे होतातच. या बलात्कार करणाऱ्या माणसाचे उद्गार ऐकून किंवा जालावर वाचून तशाच विकृत वृत्तीच्या माणसाना आपण आणि आपली विचार सरणी बरोबर आहे असे वाटू लागते.( कित्येक लोक जालावर उपलब्ध असलेली प्रत्येक गोष्ट त्रिकाळ अबाधित सत्य आहे म्हणून प्रसारित( forward) करताना आढळतातच ना?) तेंव्हा भाषण, स्वातंत्र्य मानवी हक्क इ गोष्टी नराधमाना किंवा जे गुन्हेगार आहेत हे न्यायालयात सिद्ध झाले आहे अशा गुन्हेगारांना उपलब्ध करणे हे कितपत व्यवहार्य आहे. हे सगळे उच्च विचार उच्चभ्रू बार मध्ये बसून किंवा मेणबत्त्या पेटवून मोर्चा काढणार्यांना ठीक आहेत.
↩ प्रतिसाद: प्रसाद गोडबोले

हाडक्या
गुरुवार, 03/05/2015 - 21:59 नवीन
प्रगो.. काय झालंय हो.. आज काल तुमची मते तार्किक व्हायला लागली आहेत आणि वरून ती पटायलापण लागली आहेत. (कधी असं होईल असं वाटलं नव्हतं.. ;) )
↩ प्रतिसाद: प्रसाद गोडबोले

सुबोध खरे
Fri, 03/06/2015 - 10:15 नवीन
प्रगो साहेब चित्रफितीत मुकेशचे असे म्हणणे आहे कि त्याने फक्त बस चालवली बलात्कार केलाच नाही तरी त्याला फाशी दिली गेली आहे. आता यात प्रत्यक्ष निवाड्यात काय म्हटलेले आहे हे न दाखवता त्याचे मत एकतर्फी दाखवले गेल्याने तो निर्दोष आहे हे मान्य केल्यासारखे आहे. जर जलदगती न्यायालयाने फाशी दिली आणि फेरविचारात उच्च न्यायालयाने ती कायम केली याचा अर्थच त्याच्या विरुद्ध सज्जड पुरावा असणार. मग असे असताना चित्रफितीत विपर्यास होतो हि वस्तुस्थिती स्पष्ट होते. याच कारणास्तव अशा एकतर्फी चित्रफितीना सेन्सोर बोर्डाकडे पाठविणे आवश्यक आहे. बाकी जागतिक मताचे आपल्याला का देणे घेणे असावे ते कळले नाही. तुम्ही जग मताचे मिंधे नाही. कित्येक देशात फाशी ची शिक्षा नाही. मग त्यांच्या मताप्रमाणे तर आपण १८ व्या शतकात आहोत त्यांच्या मताला केराची टोपली हेच उत्तर आहे.
↩ प्रतिसाद: प्रसाद गोडबोले

अभिजित - १
गुरुवार, 03/05/2015 - 18:42 नवीन
निर्भायाच्या आई वडिलांचा या माहिती पट ला पाठींबा आहे. ती रडत हे म्हणाली कि - आम्ही मेलो तरि कोर्टात केस चालत च राहील. justice delayed is justice denied

कॅप्टन जॅक स्पॅरो
गुरुवार, 03/05/2015 - 20:26 नवीन
धागा आल्यापासुन विचार करतोय काय प्रतिसाद द्यावा ते. पिरातैंच्या प्रतिसादाशी ९०% सहमत. आपली इच्छा भले मग ती साधी बोलायची असो किंवा थेट बलात्कार-खुनासारखी अत्यंत गंभीर बाब असो. आपली इच्छा दुसर्‍यावर लादणे हीच विकृतपणाची गोष्ट आहे. :(

सुधीर
गुरुवार, 03/05/2015 - 20:29 नवीन
डॉक्यु मध्ये आरोपिला सिंपथी मिळेल असे काहीही मला वाटले नाही. उलट पुरषी अहंकाराच्या विचारांचा पर्दाफार्ष केला आहे. खास करून आरोपिच्या वकिलांची वक्तव्य लक्षात घेण्याजोगी आहेत. या गंभीर विषयाला सामाजिक असमानतेचाही एक पदर आहे ते अधोरेखित केले आहे. त्यातूनच आरोपिच्या पत्नीचे आई-वडलांचे मत समजते. ते समाजाचं मागासलेपणच दाखवतं. गंभीर विषयावर संयत पणे हाताळलेली डॉक्यू वाटली.. दुर्दैवाने आपल्या समाजाचा विद्रुप चेहराच समोर येतो. आपल्यापुढे असलेल्या प्रश्नांची जाणीव होते. अशा फिल्मवर बॅन आणणं योग्य नाही हे माझे वैयक्तीक मत आहे. एआयबी च्या बॅन मुळे मला वाईट नाही वाटलं (कारण कदाचित त्यात फक्त मनोरंजन मूल्य असेल) पण यावर बॅन म्हणजे समाजाला एखाद्या विचारांपासून रोखण हे आहे. डॉक्यू फॅक्ट सांगते, काय योग्य काय अयोग्य हे ज्याचं त्याने ठरवावं.

मोहनराव
गुरुवार, 03/05/2015 - 20:34 नवीन
+१ सहमत
↩ प्रतिसाद: सुधीर

कॅप्टन जॅक स्पॅरो
Fri, 03/06/2015 - 10:07 नवीन
धन्यवाद.
↩ प्रतिसाद: संदीप डांगे

मदनबाण
Fri, 03/06/2015 - 10:20 नवीन
मिपा प्रशासनास विनंती... वरील डॉक्युमेंटरीचा दुवा काढुन टाकावा... कारण सध्या यावर { या प्रसारणा विषयी } बराच कायदेशीर खेळ चालला आहे.

मदनबाण.....

आजची स्वाक्षरी :- Balam Pichkari... { Yeh Jawaani Hai Deewani }
↩ प्रतिसाद: संदीप डांगे

काळा पहाड
गुरुवार, 03/05/2015 - 23:04 नवीन
अजमल कसाब , अफजल गुरु , राजीव चे मारेकरी , इन जनरल सगळ्याच गुन्हेगारांना स्वतःचे म्हणणे जगापुढे मांडायचा अधिकार असायला हवा .
अजिबात नाही. एक सामान्य माणूस म्हणून सांगतो. फार गृहीत धरताय तुम्ही आम्हाला. त्या मुकेश का कोण त्याच्या घरच्यांना आधी मारून टाकून, ते त्याला दाखवून मग साधारण ४-५ वर्षांनी त्याला फाशी द्यायला हवं. कायदा गेला...

तिमा
Fri, 03/06/2015 - 08:08 नवीन
हे डॉक्युमेंटरीला बंदी घालणे, म्हणजे सत्याला सामोरे जायला घाबरणे. एखाद्या मुलीवर बलात्कार झाला तर त्याची तक्रार न नोंदवता, असं काही झालंच नाही' असं सांगणारे काहीजण असतात(अब्रुच्या भीतिने). आपले सरकारही अशाच पद्धतीने वागत आहे.

सुबोध खरे
Fri, 03/06/2015 - 10:06 नवीन
तिमा साहेब डॉक्युमेंटरीला बंदी घालावी असे मलाही वाटत नाही फक्त काही हलकट लोकांचे म्हणणे ( वकिलांचे) इ कसे बिनबुडाचे आणि तालिबानी आहे हे स्पष्ट करून सांगायला हवे होते . सर्व सामान्य माणूस जालावर आलेल्या माहितीचे विश्लेषण न करता सकृतदर्शनी आहे तसे स्वीकारतो. यातून तालिबानी वृत्तीच्या माणसाना आपली मनोवृत्ती बरोबर आहे या विचारसरणीला खतपाणीच( reinforcement) मिळते. माझा आक्षेप फक्त डांगे साहेबांच्या, "स्वतःच्या आईवर, मुलीवर, बहिणीवर बलात्कार करणारे पुरुष याची स्पष्ट उदाहरणे आहेत. यांचे प्रमाण लाखात एक असले तरी बहुसंख्य पुरुष विशिष्ट वयात निदान अशा समागमाची इच्छा बाळगणारे तरी असतातच" या वक्तव्य बद्दल होते. सरकारने बंदी घालण्याचे कारण त्या चित्रफितीतच आहे. अर्ध्यापेक्षा जास्त खासदारांवर गंभीर गुन्ह्यांसाठी खटले भरलेले आहेत त्यांच्या वर जलदगती कोर्टात खटले का चालवत नाहीत या प्रश्नाने हे स्पष्ट होते.
↩ प्रतिसाद: तिमा

श्रीगुरुजी
Fri, 03/06/2015 - 11:07 नवीन
>>> माझा आक्षेप फक्त डांगे साहेबांच्या, "स्वतःच्या आईवर, मुलीवर, बहिणीवर बलात्कार करणारे पुरुष याची स्पष्ट उदाहरणे आहेत. यांचे प्रमाण लाखात एक असले तरी बहुसंख्य पुरुष विशिष्ट वयात निदान अशा समागमाची इच्छा बाळगणारे तरी असतातच" या वक्तव्य बद्दल होते. तुम्ही अत्यंत मुद्देसूद प्रतिवाद करूनसुद्धा आणि स्वतःचे विधान सिद्ध करण्यासाठी स्वतःकडे कोणतीही आकडेवारी नसताना सुद्धा हे आपल्या निराधार आणि विकृत विधानाचे अजूनही समर्थन करीत आहेत याचा खेद वाटतो.
↩ प्रतिसाद: सुबोध खरे

संदीप डांगे
Fri, 03/06/2015 - 13:54 नवीन
ही बंदी दिग्दर्शकेने केलेल्या बेकायदेशीर कृत्यास प्रतिउत्तर म्हणून आहे. खुद्द माहितीपटात आक्षेपार्ह किंवा लपवावेसे वाटणारे काहीही नाही हे इथे नमूद करू इच्छीतो. माहितीपटावर बंदी न घालता फक्त दिग्दर्शीकेवर कारवाई करणे अपेक्षीत होते. तसे न केल्याने सरकारविरूद्ध भलताच ग्रह झालेला आहे. आजकाल सरकार आपल्या कुठल्याच निर्णयाचे स्पष्टीकरण देत नाही हे जास्त घातक आहे. एका गुन्हेगाराची मानसिकता समाजापुढे त्याच्याच शब्दात मांडल्याने त्याला कुठल्याही प्रकारची सहानुभूती मिळत नाही. पण ती समजून घ्यायला ते मांडल्या जाणे आवश्यक आहे. न्यायालयात जे काही होते ते सर्वच सामान्य लोकांपर्यंत पोचत नाही. माहितीपटात गुन्हेगारांच्या मानसिकतेची कारणे आणि सुशिक्षीत, जबाबदार लोकांची विचारसरणी यांवर चांगलाच प्रकाश पाडला आहे. विशेषतः आरोपीच्या वकिलांची मुक्ताफळे ऐकून समाजाची एकंदर विचारपातळी समजते. तरूणाईचे आंदोलन अगदी योग्य प्रकारे आणि परिणामकारक पद्धतीने दाखवले आहे. त्यामुळे भारतीय समाजाची एकांगी प्रतिमा मांडली आहे असे म्हणता येणार नाही. माहितीपटात हे गुन्हेगार समाजाच्या विचारसरणीची, व्यवस्थेची अपत्ये आहेत असा विचार मांडला आहे. म्हणजेच पुढे असे काही घडू नये म्हणून सामाजिक परिस्थिती तातडीने बदलण्याची खरी गरज आहे असा मुद्दा मांडला आहे. आमचे संस्कार श्रेष्ठ संस्कार म्हणून ढोल बडवणार्‍या समाजाला चांगला आरसा दा़खवला आहे.
↩ प्रतिसाद: तिमा

काळा पहाड
Fri, 03/06/2015 - 10:34 नवीन
दिमापूर (नागालॅंड) - तुरुंगात असलेल्या बलात्कारातील आरोपीला चार हजार जणांच्या जमावाने तुरुंगातून बाहेर खेचत नग्न करून केलेल्या हाणामारीत आरोपीचा मृत्यु झाल्याची धक्कादायक घटना नागालॅंडमधील दिमापूर जिल्ह्यात घडली आहे. सय्यद फरीद खान (वय 35) हा आरोपी बांगलादेशातून स्थलांतरित असल्याचाही संशय आहे.
एक पाऊल योग्य दिशेने.

पॉइंट ब्लँक
Fri, 03/06/2015 - 11:22 नवीन
बहुसंख्य लोक पॉर्न पाहतात किंवा बहुसंख्य लोकांमध्ये ईनसेस्ट कल असतो ह्या दोन्ही गोष्टी बरोबर किंवा चुकिच्या सिद्ध करणे फार कठिण आहे. त्यामुळे त्यावर झालेला रक्तपात काहि बरोबर वाटत नाहि.

मार्मिक गोडसे
Fri, 03/06/2015 - 11:41 नवीन
अत्यंत बीभत्स डॉक्यु. बलात्काराचे ग्राफिक दाखवायची काहीही गरज नव्हती. आत हात घातला, हाताला काहीतरी लागले, बहुतेक आतडे असावे. आरोपी अगदी थंडपणे सांगतोय. आरोपिविषयी घ्रुणा निर्माण करण्याचा डॉक्यु. हेतु असेल तर पुढे अरोपिचे आई,वडिल व पत्नीचे वक्तव्य दाखवण्याचा हेतू आरोपिला सहनुभूती मिळावी हाच होता. ही डॉक्यु. म्हणजे पीत पत्रकारितेचा नमुना ठरेल. बीबीसेने ही डॉक्यु. ८ मार्च ऐवजी ५ मार्चला दाखवण्याची घाई का केली असावी? बहुतेक शिमगा पश्चिमेला पोचला असावा व ही डोक्यु. हा धुळ्वडीचा प्रकार असावा. आता बीबीसीचे नाव ब्रिटिश बक** कॉर्पो. असे ठेवावे लागेल. अजमल कसाब , अफजल गुरु , राजीव चे मारेकरी , इन जनरल सगळ्याच गुन्हेगारांना स्वतःचे म्हणणे जगापुढे मांडायचा अधिकार असायला हवा कशासाठी? भारतिय न्यायव्यवस्थेवर आमचा विश्वास आहे. न्यायालयात आरोपिंना बाजु मांडायची संधी मिळाली होती, व न्यायालयाने योग्य तो निर्णय दिला आहे. गुन्हेगारांना स्वतःचे म्हणणे जगापुढे असे मांडायला दिले तर पुढे जनताच गुन्हेगाराला आपल्या पद्धतीने न्याय देइल जसे काल नागालन्ड मध्ये एका संशयीत बलात्कारीत आरोपिला जमावाने तुरुंगातून बाहेर खेचुन फाशी दिले. असे चालेल का तुम्हाला?

श्रीगुरुजी
Fri, 03/06/2015 - 11:46 नवीन
अशा चित्रफीतीत फक्त गुन्हेगाराची मुलाखत दाखविण्याऐवजी त्या दुर्दवी मुलीचे कुटुंबीय, त्यांना कोणत्या भीषण परिस्थितीतून जावे लागले या बद्दलचे प्रश्न, आरोपींनी ज्याला मारहाण करून बसमधून फेकून दिले तो मुलीचा मित्र, दोन्ही बाजूंचे वकील, तपास अधिकारी, मुलीवर उपचार करणारे डॉक्टर या सर्वांचीच मुलाखत दाखवायला हवी. तरच प्रकरणाच्या सर्व बाजू दिसतील. फक्त आरोपीचीच मुलाखत दाखविली तर आपण निर्दोषी होतो असा कांगावा आरोपी करणार, सर्व दोष त्या मुलीवर व इतरांवरच ढकलणार आणि जग जे एकतर्फी दिसतंय तेच खरं मानणार. अशा एकतर्फी मुलाखती दाखवून आरोपीचे व गुन्ह्याचे उदात्तीकरण करण्याचे प्रयत्न कायद्याने बंद केले पाहिजेत.
↩ प्रतिसाद: मार्मिक गोडसे

काळा पहाड
Fri, 03/06/2015 - 11:56 नवीन
तुम्ही असं गृहीत धरताय की गुन्हेगाराची मुलाखत दाखवणं (सुद्धा) ठीक आहे ("फक्त गुन्हेगाराची मुलाखत दाखविण्याऐवजी"). गुन्हेगाराला (विशेषतः अशा प्रकारच्या गुन्हेगाराला) कुठलीही मानवी भावना दाखवणं चुकीचं आहे. या माणसाला प्रत्येक दिवशी मृत्यूची भीक मागायला लावे पर्यंत टॉर्चर करणं आणि मृत्यू न देणं हाच याचा उपाय आहे. सॉफ्ट टॉर्चर चे प्रकार कोणतेही पुरावे मागे सोडत नाहीत हे तुम्हाला माहिती असेलच. पुढचे जितके दिवस हा जगेल तो प्रत्येक क्षण शारिरीक आणि मानसिक दृष्ट्या यातनामय होणं हीच निर्भयाला श्रद्धांजली असेल.
↩ प्रतिसाद: श्रीगुरुजी

श्रीगुरुजी
Fri, 03/06/2015 - 20:31 नवीन
माझं म्हणणं आहे की एकतर गुन्हेगाराची मुलाखत दाखवूच नये. अगदी दाखवायची असल्यास फक्त गुन्हेगाराची न दाखविता त्या गुन्ह्याचे जे बळी आहेत त्या सर्वांची व गुन्ह्याशी संबंधित सर्वांची मुलाखत दाखवावी, म्हणजे सर्व बाजू दिसतील. फक्त गुन्हेगाराचीच मुलाखत दाखविली तर एकतर्फी चित्र दिसेल.
↩ प्रतिसाद: काळा पहाड

अनुप ढेरे
Fri, 03/06/2015 - 22:25 नवीन
गुरुजी तुम्ही एक संस्था सुरू करा जी याबाबद मार्गदर्शन करेल. गुरुजी सर्टिफाईड कंटेंट असं सर्टिफिकेट घेणं सक्तिचं असावं.
↩ प्रतिसाद: श्रीगुरुजी

रामपुरी
Sat, 03/07/2015 - 05:15 नवीन
डांगेंची वैयक्तिक मते खतर्नाक आहेत. फक्त त्यांनी ती "बहुसंख्य" म्हणून दुसर्‍यांवर लादली नसती तर बरं झालं असतं. हे आमचं "वैयक्तिक" मत. बाकी चालू द्या

अत्रन्गि पाउस
Sat, 03/07/2015 - 11:33 नवीन
+१
↩ प्रतिसाद: रामपुरी

कॅप्टन जॅक स्पॅरो
Sat, 03/07/2015 - 10:24 नवीन
श्रीगुरुजी आणि संदिप डांगे सरांना मिपाचे विवादसम्राट म्हणुन एक माईक, हेडफोन, डॉल्बी सिस्टीम रेंटल कुपन्स विभागुन देण्यात येत आहे. आता ते कसं विभागुन घ्यायचं ह्याचा वाद व्यनिवर घालणे. =)) आणि हलके घेणे (अखिल मिपा गुणवत्ता शिकार समिती व मापकाढे समितीच्या संयुक्त सौजन्याने)

तुषार काळभोर
Sat, 03/07/2015 - 16:35 नवीन
विकीच्या माहितीनुसार (जी अन्य विश्वासार्ह स्रोतांकडून घेतली गेली आहे) २०१२ मध्ये भारतात दर एक लाख लोकसंख्येमागे २ बलात्कारांच्या घटना "नोंदवल्या" जातात , तर अमेरिकेत २८ आणि युकेत २४. Adjusted for population growth over time, the annual rape rate in India has increased from 1.9 to 2.0 per 100,000 people over 2008-2012 period. This compares to a reported rape rate of 1.2 per 100,000 in Japan, 3.6 per 100,000 in Morocco, 4.6 rapes per 100,000 in Bahrain, 12.3 per 100,000 in Mexico, 24.1 per 100,000 in United Kingdom, 28.6 per 100,000 in United States, 66.5 per 100,000 in Sweden, and world's highest rate of 114.9 rapes per 100,000 in South Africa. वरील माहिती संयुक्त राष्ट्रसंघाच्या पुढील संकेतस्थळावरून घेतली आहे: http://www.unodc.org/unodc/index.html (United Nations Office On Drugs and Crime (UNODC) ) http://www.unodc.org/unodc/en/data-and-analysis/statistics/data.html जगभरातील "नोंदवल्या" गेलेल्या बलात्काराच्या घटना: http://www.unodc.org/documents/data-and-analysis/statistics/crime/CTS2013_SexualViolence.xls या केवळ "नोंदवल्या" गेलेल्या घटना आहेत. वास्तव घटनांचे आकडे जास्त असू शकतील. अमेरिकेत/युकेत हे आकडे जास्त आहेत(स्वीडनमध्ये तर ६६ घटना प्रति एक लाख लोकसंख्या) , याचा अर्थ ते देश स्त्रियांसाठी असुरक्षित आहेत का? मला वाटते नक्कीच नाहीत. तर तेथे स्त्रियांवरील/त्यांच्या कुटुंबावरील सामाजिक दबाव कमी असल्याने, बलात्काराचे गुन्हे नोंदवले जाण्याचे प्रमाण जास्त आहे. (१००% असेलच असे नाही, पण भारतापेक्षा कितीतरी पटीने जास्त असेल). (नोंदवल्या न गेलेल्या घटनांचे डॉक्युमेंटेशन होत नसल्याने, निश्चित डेटा नाहीये.) जगातील सर्व देशांमध्ये, सर्व आर्थिक्/सामाजिक/कौटुंबिक पार्श्वभूमी असलेल्या स्त्रिया बलात्काराच्या बळी ठरतात. शिवाय गुन्हेगारांना शिक्षा होण्याचे प्रमाण सर्वत्र अतिशय कमी आहे. उदा. The 2006–07 British Crime Survey reports that 1 in every 200 women suffered from rape in that period. It also showed that only 800 people were convicted of rape crimes that same year, meaning that less than 1 in every 100 occurrences of rape led to a conviction. याच दुव्यात असेही म्हटले आहे की, कोणत्याही वेळेला २,५०,००० (अडीच लाख) टीनेज (वय १३-१८ वर्षे) मुली शोषणास (suffering from abuse) बळी पडत असतात.(युके) बलात्कार/लैंगिक शोषण/"अत्यल्प प्रमाणात" आढळणारे कौटुंबिक लैंगिक शोषण इतक्या मोठ्या प्रमाणावर आहे की कोणीही तिकडे डोळेझाक करूच शकत नाही. (संदीप डांगेंनी इन्सेस्टविषयी त्यांचे वैयक्तिक मत मांडले, तेव्हा त्यांना "असभ्य", बीभत्स", "विकृत" अशी शेलकी विशेषणे लावण्यात आली. भारत सरकारच्या https://data.gov.in/ या वेबसाईटवर अशी माहिती आहे की २००१-२०१२ या काळात तब्बल ४८८२ व्यक्ति कौटुंबिक (इन्सेस्ट) बलात्काराला बळी पडल्या. म्हणजे 'मनात' इन्सेस्ट इच्छा बाळगणार्‍या व्यक्ती लाखो असतील. १२० कोटीच्या देशात लाखोंची टक्केवारी "अत्यल्प" असली तरी लाखोंची संख्या दुर्लक्ष करण्याजोगी नक्कीच नाही. आणि ही फक्त घरातल्या इन्सेस्ट इच्छुक व्यक्तिंची संख्या आहे. कोणीतरी प्रतिसादकर्त्याने "तुमच्या बायकोवर/मुलीवर बलात्कार झालातर..." असा प्रतिसाद दिलाय. इतकी नीच पातळी??? का सगळे शहामृगासारखे संकटाकडे पाठ फिरवून वाळूत डोके खुपसून राह्ताहेत? अहो, जर ही वास्तविकता स्वीकारलीच नाही, तर आपण या वास्तवाला तोंड कसे देणार आहोत? कि वास्तव नाकारून ते नाहीसे होणार आहे?) कुणाचा प्रतिसाद आवडला नाही, पटला नाही, त्यात काही चुकीचे वाटले तर, तुमचे बरोबर मुद्दे मांडाना!! कोणत्याही गोष्टीचा २-३-४-१०० बाजूंनी उहापोह होऊ द्या. पण सर्वांना कळकळीची विनंती करतो की, वैयक्तिक चिखलफेक, शेरेबाजी कृपया करू नका. मिपाचा एक दर्जा आहे, तो सांभाळा.

पिंपातला उंदीर
Sat, 03/07/2015 - 16:52 नवीन
जबर्दस्त
↩ प्रतिसाद: तुषार काळभोर

सुधीर
Sat, 03/07/2015 - 22:25 नवीन
शेवटचा पॅरा खास करून खूप आवडला... त्याचसाठी इतकी वर्ष (वाचन मात्र का होईन) मिपावर आहे... :)
↩ प्रतिसाद: तुषार काळभोर

पॉइंट ब्लँक
Sat, 03/07/2015 - 22:59 नवीन
झकास.
↩ प्रतिसाद: तुषार काळभोर

अवतार
Sun, 03/08/2015 - 11:25 नवीन
हा कुत्र्याच्या शेपटा सारखा आहे. आम्ही पुरुष आहोत म्हणून स्त्रियांनी काय करावं, कसं वागावं हे ठरवण्याचा आम्हाला नैसर्गिक हक्क आहे ही भावना अनेक पातळ्यांवर व्यक्त होतांना दिसते. विवाह, प्रेमसंबंध ह्या विषयांवरून केले जाणारे विनोद धूम्रपान - मद्यपान करणाऱ्या मुलीकडे रोखलेल्या तिरस्कार-आश्चर्य मिश्रित नजरा विवाहामध्ये आजही मुलाची बाजू वरचढ समजणे विवाहानंतर स्त्रियांनी कोणते कपडे घालावे हे ठरवणे मुलगा जन्मला की पेढे आणि मुलगी झाली की बर्फी वाटणे ह्या आणि अशा कित्येक कृतींतून स्त्रियांचे दुय्यम स्थान समाज अधोरेखित करत असतो. मी देखील पुरुष असल्याने ह्यातील काही भावना कळत-नकळत माझ्याही शब्दांतून- देहबोलीतून व्यक्त झालेल्या आहेत. हे बदलण्याची सुरुवात स्वत:पासून करायला हवी हे देखील प्रकर्षाने जाणवलेले आहे. एक समाज म्हणून इतर काही करता येणे शक्य नसेल, इच्छा नसेल तर किमान पंतप्रधान, राष्ट्रपती, सभापती, एवढे शब्द तरी बदलायला हरकत नाही. वूमन्स-डे च्या नुसत्याच शुभेच्छा देण्यापरीस आम्ही खरोखरच बदलायला तयार आहोत हे प्रत्यक्ष कृतीतून सिद्ध होणे अधिक महत्वाचे आहे.

अगम्य
Sun, 03/08/2015 - 14:17 नवीन
सहमत. फक्त पेढे आणि बर्फी ह्या वेगळ्या मिठाया आहेत, जसे मुलगा आणि मुलगी हे वेगळे आहेत. त्यात उच्च-नीच किंवा दुय्यम असे काही नाही. दोन्ही वाट्ण्यातुन आनंदच दर्शविला जातो. बाकी प्रतिसादाशी सहमत.
↩ प्रतिसाद: अवतार

अवतार
Sun, 03/08/2015 - 14:44 नवीन
ते तर उघडच आहे. पण ह्याच मुली जेव्हा दहावी, बारावीची परीक्षा उत्तीर्ण होतात तेव्हा मात्र पेढेच वाटले जातात, बर्फी नव्हे. मग जन्माच्या वेळीच हा भेद कशासाठी? पेढा म्हणजे तो आणि बर्फी म्हणजे ती ह्यातून नेमके काय साध्य होते? पुरुषांचे मन जेव्हा स्त्रियांचा मूक आक्रोश समजून घेण्याइतके प्रगल्भ होईल तेव्हा स्त्रीमुक्ती हा शब्द इतिहासजमा होईल. आणि हे केवळ कडक कायदे आणि शिक्षा करून होणार नाही. सामाजिक परिवर्तनाची सुरुवात हि नेहमीच आंतरिक परिवर्तनापासून होत असते.
↩ प्रतिसाद: अगम्य

अत्रुप्त आत्मा
Mon, 03/09/2015 - 00:17 नवीन
@पुरुषांचे मन जेव्हा स्त्रियांचा मूक आक्रोश समजून घेण्याइतके प्रगल्भ होईल तेव्हा स्त्रीमुक्ती हा शब्द इतिहासजमा होईल.>>>> ++++++++११११११११११११११११
↩ प्रतिसाद: अवतार

संदीप डांगे
Mon, 03/09/2015 - 01:02 नवीन
(वरिल वाक्यात पुरूष दाता आणि स्त्री याचक असा भास होत असल्याने सौम्य निषेध.) स्त्रीमुक्ती म्हणजे पुरूषांच्या सत्तेमधून मुक्ती असा मर्यादित अर्थ नेहमीच काढला जातो. खरेतर स्त्रियांची स्वतःच्या गुलामगिरिच्या मानसिकतेतून मुक्ती असा अर्थ असायला हवा. समाजात ५०% स्त्रिया आहेत आणि उरलेल्या ५०% इतकेच स्वतंत्र आयुष्य त्या स्वतः ठरवलं तर जगू शकतात हा आत्मविश्वास स्त्रियांना येइल तेव्हा खर्‍या अर्थाने स्त्री-मुक्ती ह्या शब्दाची गरज राहणार नाहे. स्त्रियांना दुय्यम वागणूक देण्याबद्दल जेवढी पुरूषांमधे एकी आहे, तेवढीच एकी स्त्रियांनी दाखवली तर स्त्री-मुक्ती करण्याची जबाबदारी पुरुषांवर टाकायची गरज राहणार नाही. माझ्या मते स्त्रीयांची मने लहानपणापासून दोरखंडाला बांधलेल्या हत्तीच्या पिल्लासारखी आहेत. मोठा झाल्यावरही आपल्या शक्तीची जाणीव न झाल्याने बोटभर जाडीच्या दोरीनेही तो महाकाय हत्ती एखाद्या खुंट्याला बांधून ठेवता येतो. त्याच्या वजन आणि आकारमानाच्या मानाने टिचभर असलेला माहूत त्याला इथून तिथे सहज नाचवतो. आपली शक्ती ओळखा. मुक्त आहात, मुक्त राहा. प्रत्येक दिवस महिलादिन म्हणून साजरा करा. अधिक माहिती आणि प्रोत्साहनासाठी बघा : मिर्च मसाला (१९८५) Image removed.
↩ प्रतिसाद: अत्रुप्त आत्मा