आजही माझ्याचपासुन दूर मीही

Primary tabs

स्नेहदर्शन's picture
स्नेहदर्शन in दिवाळी अंक
20 Oct 2014 - 8:13 am

आजही माझ्याचपासून दूर मीही
तू जशी आहे तसा मजबूर मीही

भेटण्या जितकी मला उत्सुक असते
ये, व्यथे ये, तेवढा आतुर मीही

जेवढे जातो जवळ, ती लांब जाते
वाटते आता राहावे दूर मीही

लागला होता तिला माझा लळा पण,
प्रेमही केले तसे भरपूर मीही

एवढे शिकलो यशस्वी डाव त्यांचे,
जाहलो बघ खेळताना क्रूर मीही

सांगणारे सांगता लाखो कहाण्या
नीट आता वाचतो मजकूर मीही

----स्नेहदर्शन​

दिवाळी अंक २०१४

प्रतिक्रिया

वेल्लाभट's picture

22 Oct 2014 - 2:55 pm | वेल्लाभट

छान!

वा, मस्तच! शेवटच्या दोनोळी विशेष आवडल्या.